თურქეთი ევროპის 9 ქვეყნიდან საკუთარი 3614 მოქალაქის ევაკუაციას განახორციელებს. ამის შესახებ ქვეყნის საგარეო საქმეთა მინისტრმა, მევლუთ ჩავლუშოღლუმ განაცხადა.

„თურქეთის ავიახაზები“ 34 რეისს განახორციელებს და 3 614 მოქალაქეს ჩამოიყვანს. ისინი კარანტინს სტამბოლში გაივლიან“,-აღნიშნა მინისტრმა.

მისივე განმარტებით, ევაკუაცია შეეხება იმ მოქალაქეებს, რომლებმაც ევროპის დატოვების სურვილი გამოთქვეს.

ცნობისთვის, ოფიციალური მონაცემებით, ამ დროისთვის თურქეთში კორონავირუსის 47 შემთხვევაა დარეგისტრირებული.