ჯანდაცვის მინისტრის მოადგილის განცხადებით, საუნივერსიტეტო კლინიკის ბაზაზე სამეანო განყოფილება მზადდება, რომელიც საჭიროების შემთხვევაში, ორსულებს მოემსახურება

ჯანდაცვის მინისტრის მოადგილის, თამარ გაბუნიას განცხადებით, საუნივერსიტეტო კლინიკის ბაზაზე სამეანო განყოფილება მზადდება, რომელიც საჭიროების შემთხვევაში კორონავირუსით ინფიცირებულ ორსულებს მოემსახურება.

როგორც მინისტრის მოადგილემ ჟურნალისტებს განუცხადა, ორსულებისთვის რეკომენდაციები იგივეა, რაც სხვა შემთხვევებში.

„რეკომენდაციები იგივეა, რაც ყველა სხვა შემთხვევაში - სოციალური დისტანცირება, კონტაქტებისგან თავის შეკავება.

რაც შეეხება ორსულებს, აქ შეიძლება დადგეს, რა თქმა უნდა, საჭიროება, რომ ორსული, რომელიც, თეორიულად, დაინფიცირდება კორონავირუსით და დადგება მისთვის სამედიცინო დახმარების საჭიროება ან ეს შეიძლება მოხდეს მშობიარობის პროცესში, ამისთვის მობილიზებულია სამეანო განყოფილება საუნივერსიტეტო კლინიკის ბაზაზე, მზადდება უკვე. დაცლილია სხვა დანარჩენი მომხმარებლებისგან და იქნება მზად იმისთვის, რომ თუ ასეთი საჭიროება დადგა, ორსულს დახმარებას აღმოვუჩენთ იმ კონკრეტულ საავადმყოფოში“,- განაცხადა გაბუნიამ.

კითხვაზე, შედიან თუ არა ორსულები კორონავირუსის გავრცელების კუთხით რისკჯგუფებში, გაბუნია ამბობს, რომ ორსულობა ორგანიზმს ასუსტებს და ისევე როგორც ხანდაზმული პირები, ორსული ადამიანებიც ამ მხრივ საყურადღებოა.

„კორონავირუსით დაინფიცირების ალბათობა, ყველა ასაკში შესაძლებელია. ის, რომ ხანდაზმულებში კორონავირუსი უფრო შეიძლება რთულად მიმდინარეობდეს, ეს უკავშირდება იმ თანმხლებ დაავადებებს, რაც ხშირია ხანდაზმულ ასაკში. ამდენად, აქაც, ორსულობა უბრალოდ ასუსტებს ორგანიზმს, ისედაც დიდი დატვირთვაა ორგანიზმზე და ასეთ სიტუაციაში საყურადღებოა პაციენტების და საერთოდ, ადამიანების ეს ჯგუფები“,- განაცხადა გაბუნიამ.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს