ნინო ქადაგიძის კანდიდატურას, კომპეტენციის პრობლემა შალვა თადუმაძისგან განსხვავებით არ გააჩნია, მაგრამ მას გააჩნია კეთილსინდისიერების და დამოუკიდებლობის პრობლემა,- ამის შესახებ „ნაციონალური მოძრაობის“ წევრმა თინა ბოკუჩავამ ჟურნალისტებთან განაცხადა.

მისივე თქმით, ქადაგიძე დამოუკიდებელი გადაწყვეტილებების მიღებას ვერ შეძლებს. „ის არის ასევე იმ კლანის წევრი, რომელიც დღეს მართავს სასამართლო ხელისუფლებას და ვერასოდეს შეძლებს მიიღოს კლანისგან დამოუკიდებელი გადაწყვეტილებები. ამიტომ „ერთიანი ნაციონალური მოძრაობა“ რომც იღებდეს ამ კენჭისყრაში მონაწილეობას, მის კანდიდატურას მხარს არ დაუჭერდა,“- განაცხადა თინა ბოკუჩავამ.