უკრაინის მთავრობის გადაწყვეტილებით, კორონავირუსის გავრცელების თავიდან ასაცილებად დღეიდან კიევის მეტრო იკეტება.
კიევის მერის, ვიტალი კლიჩკოს თქმით, შეზღუდვა ძალაში 3 აპრილამდე დარჩება.
„დღეს, 23:00 საათიდან კიევის მეტრო აჩერებს მგზავრების ტრანსპორტირებას, აპრილამდე. სახმელეთო სამგზავრო ტრანსპორტი ჩვეულებრივად მუშაობს", - აღნიშნა კლიჩკომ.
მან კიევის მოსახლეობას მოუწოდა, რომ შესაძლებლობის შემთხვევაში სახლში დარჩნენ, ხოლო ვისაც არ შეუძლია სახლიდან იმუშაოს, იზრუნონ საკუთარ თავზე და სხვებზე და ატარონ ნიღბები.