ესპანეთში კორონავირუსით გარდაცვლილთა რიცხვი 309-დან 491-მდე გაიზარდა. ვირუსით დაინფიცირდა კიდევ 2 000 ადამიანი და ჯამში დაავადებულთა რიცხვმა 11 178-ს მიაღწია. კორონავირუსის ყველაზე მეტი შემთხვევა მადრიდში გამოვლინდა, სადაც 4 871 ინფიცირებულია.
არსებული ინფორმაციით, ესპანეთში კორონავირუსისგან 1,028 ადამიანი გამოჯანმრთელდა.
მანამდე, ესპანეთმა ვირუსის პრევენციის მიზნით საზღვრები ჩაკეტა - საფრანგეთიდან და პორტუგალიიდან ქვეყანაში ავტომობილების შეშვებაზე აკრძალვა დაწესდა. მიმოსვლის შეზღუდვა მხოლოდ ესპანელებს და საზღვართან დასაქმებულ პირებს არ შეეხოთ. შეზღუდვა შეეხო მატარებლებით მიმოსვლასაც.