რესპუბლიკურ საავადმყოფოში აცხადებენ, რომ კლინიკაში მყოფი 46-ვე პაციენტის ჯანმრთელობის მდგომარეობა დამაკმაყოფილებელია

თბილისის რესპუბლიკური საავადმყოფოს დირექტორის, ლევან გოფოძის განცხადებით, მის კლინიკაში მყოფი 46 პაციენტიდან ყველას მდგომარეობა დამაკმაყოფილებელია.

როგორც გოფოძემ ჟურნალისტებს განუცხადა, ორი პირი, ვინც დაკვირვების ქვეშ იმყოფებოდა, კლინიკას დღეს დატოვებს.

"რესპუბლიკურ საავადმყოფოში იმყოფება 46 პაციენტი. მოგეხსენებათ, რომ ჩვენთან გაუქმდა საკარანტინო ზონა და დავიწყეთ პაციენტების მიღება. ამ 46 პაციენტის მდგომარეობა დამაკმაყოფილებელია. რამდენიმეს, ვისთანაც იყო ჩვენება ჩაუტარდა ტესტირება კორონავირუსზე. ყველა შემთხვევაზე მოვიდა უარყოფითი პასუხი. ანუ, არც ერთ არ აღენიშნება ეს დაავადება კორონავირუსის სახით. ყველა მათგანი იმყოფება დაკვირვების ქვეშ. დღეს დატოვებს კლინიკას დაკვირვების ქვეშ მყოფი 2 პაციენტი, რომლებსაც გაუვიდათ ყველანაირი ვადა და არ აღენიშნებათ არანაირი კლინიკური ნიშნები“,- განაცხადა გოფოძემ.

ოფიციალური მონაცემებით, ამ დროისთვის, საქართველოში კორონავირუსის 35 დადასტურებული შემთხვევაა, აქედან ერთი პაციენტი უკვე განიკურნა და კლინიკა გუშინ დატოვა. ამასთან, კარანტინის რეჟიმში 1008, ხოლო სტაციონარში მეთვალყურეობის ქვეშ 64 პირი იმყოფება.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს