ირაკლი ჩიქოვანი - ყველაფერი უნდა გავაკეთოთ იმისათვის, რომ მაქსიმალურად შევამციროთ ამ საფრთხის ზეგავლენა, როგორც დაინფიცირების ასევე ეკონომიკური თვალსაზრისით

ყველაფერი უნდა გავაკეთოთ იმისათვის, რომ მაქსიმალურად შევამციროთ ამ საფრთხის ზეგავლენა, როგორც დაინფიცირების ასევე ეკონომიკური თვალსაზრისით, - ამის შესახებ საქართველოს პრემიერ-მინისტრის მრჩეველმა, პრესსპიკერმა ირაკლი ჩიქოვანმა განაცხადა.

მისი თქმით, ეპიდემიოლოგებმა და ყველა შესაბამისმა სამსახურმა შეძლეს ეპიდემიის გავრცელების შეჩერება, თუმცა ახლა მთავრობას უწევს ისეთი გადაწყვეტილებების მიღება, რომელიც საზოგადოების მხრიდან უფრო მეტ ჩართულობას მოითხოვს,

„ეს პასუხისმგებლობა არა მხოლოდ ხელისუფლებაზეა და საჭიროა საზოგადოების მხარდაჭერა. საზოგადოება მაქსიმალური სერიოზულობით უნდა მიუდგეს ამ საფრთხეს, რომელიც საქართველოს წინაშეა. ეს საფრთხე რეალურია და ყველაფერი უნდა გავაკეთოთ იმისათვის, რომ საქართველოში მაქსიმალურად შევამციროთ ამ საფრთხის ზეგავლენა, როგორც დაინფიცირების ასევე ეკონომიკური თვალსაზრისით“, - განაცხადა ირაკლი ჩიქოვანმა.

მისი თქმით, მთავრობის მიერ მიღებული ყველა გადაწყვეტილება ემსახურება იმას, რომ საქართველოს ეკონომიკას მაქსიმალურად ნაკლები დაუჯდეს კორონავირუსით გამოწვეული შედეგები.

„საკოორდინაციო საბჭოს მუშაობაში მონაწილეობას იღებს არა მხოლოდ ერთი კონკრეტული პროფესიის, არა მხოლოდ ერთ კონკრეტულ მიმართულებაზე პასუხისმგებელი ადამიანები, არამედ ადამიანები, რომელთა მუშაობის სფეროსაც განეკუთვნება კორონავირუსთან ბრძოლის საქმიანობა. სწორედ ამ ერთობლივი ანალიზის საფუძველზე, გიორგი გახარიას ხელმძღვანელობით ხდება გადაწყვეტილებების მიღება და ჩვენ ვცდილობთ, მაქსიმალური პრევენცია მოვახდინოთ იმ საფრთხეების, რომელიც შეიძლება ჩვენს მოქალაქეებს დაემუქროთ საქართველოში. შესაბამისად, ეს გადაწყვეტილებები, რომელიც ჩვენს მიერ იქნა მიღებული, რა თქმა უნდა, ეყრდნობოდა იმ გამოცდილებას, რაც არსებობდა საერთაშორისო დონეზე და იმ რეალობასთან მიმართებაში, რაც გაგვაჩნია.

ჩვენ გვაქვს ქვეყანაში საკმაოდ ნორმალური ვითარება იმ გადაწყვეტილებების ფონზე, რომელიც აქამდე იქნა მიღებული, თუმცა ეს არ ნიშნავს იმას, რო ყველაფერია გაკეთებული იმისათვის, რომ ჩვენ შევაჩეროთ კორონავირუსის გავრცელება. ჩვენ შესაბამისი გადაწყვეტილებები კიდევ გვექნება მისაღები“, - განაცხადა ირაკლი ჩიქოვანმა, რომლის კომენტარსაც მთავრობის ადმინისტრაციის პრესსამსახური ავრცელებს.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)