ჯანდაცვის მინისტრის განცხადებით, კორონავირუსით ინფიცირებული 4 ახალი პაციენტიდან ორი პირველ საუნივერსიტეტო კლინიკაშია მოთავსებული

ჯანდაცვის მინისტრის ეკატერინე ტიკარაძის განცხადებით, ამ ეტაპისთვის სტაბილურია იმ ოთხი პაციენტის ჯანმრთელობის მდგომარეობა, რომლებსაც ახალი კორონავირუსი დღეს დაუდასტურდათ. ამის შესახებ მინისტრმა მთავრობის ადმინიტრაციაში განაცხადა, სადაც ახალი კორონავირუსის პრევენციისთვის შექმნილი საკოორდინაციო საბჭო ჯანდაცვის ჯგუფის წარმომადგენლებს შეხვდა.

„დღისთვის, როგორც იცით, დაფიქსირდა დამატებით, კიდევ 4 შემთხვევა. ამ ფაქტს, ერთი დადებითი მხარე აქვს ის, რომ ჩვენ კვლავ ვიცით, თუ რომელი კლასტერიდან არიან პაციენტები. ორი პაციენტი ინფექციურ საავადმყოფოში, ორი კი პირველ საუნივერსიტეტო კლინიკაშია მოთავსებული. მათი მდგომარეობა, ამ ეტაპისთვის, სტაბილურია. მოხდა სიმპტომების გამოვლენა და შემდგეგ ლუგარის ლაბორატორიის მიერ დადასტურება, რომ ისინი კორონავირუსის მატარებლები არიან.

პირველი პაციენტი, რომელიც ჩვენ გვყავდა კორონავირუსით, მისი მდგომარეობა სტაბილურია და რეციდივი, ამ ეტაპისთვის გამოვლენილი არ არის. ის კვლავ აგრძელებს თვითიზოლაციაში ყოფნას და და ექიმების მეთვალყურეობის ქვეშ იმყოფება.

სამი პაციენტის მდგომარეობა, რომელებიც შედარებით საყურადღებო არიან, სტაბილურია და ამ შემთხვევაშიც, ჩვენ დამაიმედებელი პროგნოზი გვაქვს. რამდენიმე დღეში გვეცოდინება უფრო მეტი დეტალი მათი ჯანმრთელობის შესახებ“, - განაცხადა ეკატერინე ტიკარაძემ.

იხილეთ ვიდეო: კორონავირუსით ინფიცირებული 4 ახალი პაციენტიდან ორი პირველ საუნივერსიტეტო კლინიკაშია მოთავსებული

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა