ირაკლი აბესაძის განცხადებით, თვითიზოლაციისა და კარანტინის წესების დაცვისთვის, შესაძლოა, გარკვეული ღონისძიებების გამკაცრება აუცილებელი გახდეს

„ევროპული საქართველოს“ წევრის, ირაკლი აბესაძის განცხადებით, თვითიზოლაციისა და კარანტინის წესების დაცვის მიმართულებით შესაძლოა, გარკვეული ღონისძიებების გამკაცრება აუცილებელი გახდეს. როგორც აბესაძე განმარტავს, მოქალაქეებმა პასუხისმგებლობა უნდა გამოიჩინონ.

„როგორც უკვე საქართველოს მთავრობამაც და პრემიერ-მინისტრმაც დაადასტურა, მოსალოდნელია ქვეყანაში კორონავირუსის შემთხვევების მატება და რა თქმა უნდა, ამ შემთხვევაში, პირველ რიგში, თავად მთავრობას, სახელმწიფო უწყებებს უფრო მეტი ინტენსივობით, უფრო მეტი პასუხისმგებლობით მუშაობა მოეთხოვებათ. თუმცა, რა თქმა უნდა, ეს არ გულისხმობს მოქალაქეთა მხრიდან უპასუხისმგებლო ქცევას, რადგან ვირუსი ვრცელდება ადამიანებს შორის კონტაქტით. იმ ადამიანებმა, ვინც არის ვირუსის მატარებელი, ან შესაძლოა, იყოს ვირუსის მატარებელი, რა თქმა უნდა, უნდა დაიცვან ის რეკომენდაციები, რომელიც მოდის დაავადებათა კონტროლის ცენტრიდან, საქართველოს მთავრობიდან. მათ უნდა უზრუნველყონ თვითიზოლაცია და კარანტინის წესების დაცვა. ამიტომ, ამ მიმართულებით გარკვეული ღონისძიებების გამკაცრება შესაძლებელია აუცილებელიც კი გახდეს“ ,- განაცხადა აბესაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს