კობა გვენეტაძის განცხადებით, კორონავირუსიდან გამომდინარე, წელს ეკონომიკური ზრდა უფრო დაბალი იქნება, ვიდრე სხვა შემთხვევაში იქნებოდა
ეროვნული ბანკის პრეზიდენტის, კობა გვენეტაძის განცხადებით, კორონავირუსიდან გამომდინარე წელს საქართველოში ეკონომიკური ზრდა უფრო დაბალი იქნება, ვიდრე სხვა შემთხვევაში იქნებოდა.
როგორც ეროვნული ბანკის პრეზიდენტი აღნიშნავს, სწორი მაკროეკონომიკური პოლიტიკის გატარების შემთხვევაში, ამ სიტუაციიდან საქართველო მინიმალური დანახარჯებით გამოვა.
„კიდევ ერთხელ მინდა აღვნიშნო, რომ ეკონომიკური გუნდი სრულად მზადყოფნაშია იმისათვის, რომ გაუმკლავდეს იმ გამოწვევებს, რომელსაც პანდემია ქმნის ეკონომიკისათვის. შეგვიძლია ვთქვათ, რომ ზრდა იქნება უფრო დაბალი ვიდრე სხვა შემთხვევაში იქნებოდა, მაგრამ სწორი მაკროეკონომიკური პოლიტიკის გატარების შემთხვევაში ამ სიტუაციიდან საქართველო გამოვა მინიმალური დანახარჯებით და ზრდა, რომელიც ამის შემდეგ იქნება, იქნება დინამიური და მაქსიმალურად მაღალი“,-განაცხადა კობა გვენეტაძემ.
