ევროპის საბჭოს საპარლამენტო ასამბლეის საქართველოს მონიტორინგის ჯგუფის თანამომხსენებლები ხელისუფლებას მოუწოდებენ, უზენაეს სასამართლოს მოსამართლეები დანიშნოს მას შემდეგ, რაც დანიშვნის პროცედურების შესახებ არსებულ კანონში ცვლილებები შევა, - ამის შესახებ ევროპის საბჭოს საპარლამენტო ასამბლეის საქართველოს მონიტორინგის ჯგუფის თანამომხსენებლების ტიტუს კორლატეანის და კლოდ კერნის განცხადებაშია ნათქვამი.
თანამომხსენებლები ასევე მიესალმებიან მმართველი უმრავლესობის გადაწყვეტილებას არ დაინიშნოს დამატებითი მოსამართლეები უზენაეს სასამართლოში მიმდინარე საპარლამენტო სესიის დროს. ისინი მოუწოდებენ ხელისუფლებას, დანიშნოს უზენაეს სასამართლოს მოსამართლეები მას შემდეგ, რაც დანიშვნის პროცედურების შესახებ არსებულ კანონში შევა ცვლილებები წინა დანიშვნის დროს მომხდარი ხარვეზების გამოსწორების მიზნით.
მომხსენებლები ხელისუფლებას მოუწოდებენ, გააგრძელონ მოსამართლეების დამოუკიდებლობის შემდგომი გაძლიერების გზები, მათ შორის იუსტიციის უმაღლესი საბჭოს ფუნქციონირებასთან დაკავშირებით.