კახა კალაძე - ავტობუსების ნაკლებობა ან საწვავის პრობლემა ნამდვილად არ გაგვაჩნია, მაგრამ ჩემი მოწოდებაა დარჩით სახლში!

დღეს ავტობუსების ნაკლებობა ან საწვავის პრობლემა ნამდვილად არ გაგვაჩნია, მაგრამ ჩემი მოწოდებაა დარჩით სახლში, - ასე გამოეხმაურა თბილისის მერი კახა კალაძე კითხვას იმასთან დაკავშირებით, მუნიციპალურ ტრანსპორტზე გაზრდილი მგზავრთა ნაკადიდან გამომდინარე ხომ არ იგეგმება ავტობუსების დამატება დედაქალაქში.

მისივე განმარტებით, თუ გადაუდებელი აუცილებლობა არ არსებობს, საზოგადოებამ თავი უნდა შეიკავოს გადაადგილებისგან.

„ჩვენ უნდა შევთანხმდეთ ერთ რამეზე და აქ, რა თქმა უნდა, თქვენი მხარდაჭერა და დახმარება აუცილებლად დაგვჭირდება. მე მგონი ყველა ვხვდებით, რომ დღეს ავტობუსების ნაკლებობა ან საწვავის პრობლემა ნამდვილად არ გაგვაჩნია. შესაბამისად რატომ ხდება ამ გადაწყვეტილებების მიღება? ისევ და ისევ საზოგადოების, თქვენი, მოსახლეობის, უსაფრთხოებიდან გამომდინარე. მე გუშინ ვისაუბრე და დღესაც გავამახვილებ ყურადღებას, რომ მარტო ხელისუფლება ამ ბრძოლაში ვერ იქნება წარმატებული. მნიშვნელოვანია კონსოლიდაცია, ძალიან მნიშვნელოვანია ერთობა. ისევ და ისევ თქვენი ჯანმრთელობის თქვენი სიცოცხლის უსაფრთხოებიდან გამომდინარე დარჩით სახლში! ეს არის ჩემი მოწოდება",-განაცხადა კახა კალაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა