ირაკლი ჩიქოვანი - 70 წელს გადაცილებული სოციალურად დაუცველებისა და მარტოხელებისთვის „საქართველოს ფოსტას“ ყველა სახელმწიფო სერვისის ადგილზე მიწოდების უზრუნველყოფა დაევალა

70 წელს გადაცილებულ ჩვენს მოქალაქეებს, რომელთაც მივეცით რეკომენდაცია, რომ დარჩნენ სახლში და მაქსიმალურად იყვნენ იზოლირებულები, ამ ადამიანებისთვის, რომლებიც არიან სოციალურად დაუცველები და მარტოხელები, „საქართველოს ფოსტა“ უზრუნველყოფს აბსოლუტურად ყველა სახელმწიფო სერვისის მიწოდებას ადგილზე და შესაბამისად, ჩვენ ხელს შევუწყობთ, რომ მათ ჯანმრთელობას საფრთხე არ დაემუქროს,“ - ამის შესახებ პრემიერ-მინისტრის მრჩეველმა საერთაშორისო ურთიერთობების საკითხებში ირაკლი ჩიქოვანმა განაცხადა.

პრემიერ-მინისტრის ხელმძღვანელობით გამართული კორონავირუსთან დაკავშირებით მოქმედი უწყებათაშორისი საკოორდინაციო საბჭოს თემატური ჯგუფის შეხვედრის შემდეგ ირაკლი ჩიქოვანმა იმ თანამოქალაქეებისთვის საქართველოში დაბრუნების ხელშეწყობაზეც ისაუბრა, რომლებიც არიან ქვეყნის საზღვრებს გარეთ და დაბრუნების სურვილი აქვთ.

„ვაგრძელებთ მუშაობას იმისათვის, რომ ჩვენი თანამოქალაქეები, ვინც არიან ქვეყნის საზღვრებს გარეთ და აქვთ სურვილი დაბრუნდნენ საქართველოში, მათ ხელი შევუწყოთ ამისთვის. მოქმედებს რამდენიმე კომერციული რეისი, რომლებიც სრულდება საქართველოს დროშის ქვეშ მყოფი ავიაკომპანიების მხრიდან, მაქსიმალურად შევინარჩუნებთ ამ რეისებს.

ასევე, საქართველოს დიპლომატიური და საკონსულო წარმომადგენლობები, მთელი მსოფლიოს ირგვლივ, ცდილობენ განსაზღვრონ კონცენტრაციის ის ადგილები, რომლებიც, განსაკუთრებულად, ჩვენს ბევრ თანამოქალაქეს აერთიანებს და ჩვენ გვაძლევს იმის საშუალებას, რომ დავგეგმოთ და ვუთხრათ ჩვენს მოქალაქეებს კონკრეტული მიმართულებებით გადაადგილდნენ, შესაბამისად, მიღებული იქნება გადაწყვეტილება თუ საიდან განხორციელდება რეისები იმისათვის, რომ ჩვენი თანამოქალაქეები დავაბრუნოთ სახელმწიფოში,“ - აღნიშნა ირაკლი ჩიქოვანმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა