სინოდი ზიარების მიღების ფორმას თუ შეცვლის ეს არავითარი პრობლემა და სახეცვლილება არ არის. მთავარია დაცული იყოს ყველა ადამიანის, მორწმუნის უსაფრთხოება , - ამის შესახებ „ინტერპრესნიუსს“ თეოლოგმა ვაჟა ვარდიძემ განუცხადა.

მისი თქმით, მთავრია, მორწმუნემ ზიარება უსაფრთხოდ და დაცულად მიიღოს.

„ანუ, ზიარების წესის შეცვლით ზიარების არსი, მისდამი დამოკიდებულება კი არ იცვლება, არამედ მთავარია ქრისტიანული რწმენის აზრი, ზიარებაში რაც არის ხორცი და სისხლი ის მივიღოთ. კოვზით მივიღებ, თითებით მივიღებ, თუ რაღაც მოწყობილობით, ეს ყველაფერი მეორეხარისხოვანია“, - განაცხადა ვაჟა ვარდიძემ.

რაც შეეხება კორონავირუსის გამო ღვთისმსახურების დროებით შესაძლო ცვლილებას, თეოლოგი განმარტავს, რომ ღვთისმსახურება, ლიტურგია ეკლესიის მიერ დადგენილი ფორმაა, რაც ისტორიის მანძილზე ყოველთვის იცვლებოდა და განვითარებას პოულობდა.

ცნობისთვის 20 მარტს, წმინდა სინოდის სხდომა ჩაინიშნა, სადაც მღვდელმთავრები ქვეყანაში ახალ კორონავირუსთან დაკავშირებით შექმნილ ვითარებაზე იმსჯელებენ.