რესპუბლიკელი კონგრესმენი მარიო დიაზ ბალარტი, კონგრესის პირველი წევრი გახდა, რომლის ტესტის პასუხმაც კორონავირუსზე დადებითი აჩვენა.

მან სოციალურ ქსელში ტვიტი გამოაქვეყნა, რომ თავს უკეთ გრძნობს.

"თუმცა, მნიშვნელოვანია, რომ ყველამ სერიოზულად მიიღოს და დაიცვას CDC-ის გაიდლაინები, რათა თავი აარიდოს ავადმყოფობას და შეამციროს ვირუსის გავრცელება,” - დაწერა კონგრესმენმა "ტვიტერზე"

ცნობისთვის, აშშ-ში ახალი კორონავირუსი დადასტურებული შემთხვევების რაოდენობა 8000-ს აჭარბებს. CNN-ის ინფორმაციით დაღუპულია 145 ადამიანი.