თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, გუშინ, მათ საავადმყოფოში მყოფ 21 პაციენტს ჩაუტარდა კვლევა და აქედან დადებითი მხოლოდ 1 იყო.

როგორც ეზუგბაიამ ჟურნალისტებს განუცხადა, კიდევ 9 პაციენტის კვლევის შედეგებს ელოდებიან.

„გუშინ 21 პაციენტთან ჩატარდა კორონავირუსზე ტესტირება და მარტო ერთ ქალბატონთან მივიღეთ დადებითი პასუხი. 20 შემთხვევაში პასუხი იყო უარყოფითი. დღეს დილიდან აღებულია 9 პაციენტის ანალიზი და მათზე ტესტირება ჩატარდება დღის პირველ ნახევარში. დღის მეორე ნახევარში შემომატებულ პაციენტების ტესტირება უკვე დღის მეორე ნახევარში ჩატარდება, რომელზე პასუხსაც უკვე ხვალ დილას მოგახსენებთ”, - განაცხადა ეზუგბაიამ.

ცნობისთვის, საქართველოში კორონავირუსით ინფიცირების შემთხვევათა რაოდენობა 40-მდე გაიზარდა. აქედან 1 გამოჯანმრთელებულია.