თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, ინფიცირებული მეორე და მესამე პაციენტის გამოჯანმრთელების დასადგენად ტესტის გაკეთებას არ ჩქარობენ, რადგან გამოჯანმრთელების ხანგრძლივობა 3 კვირამდე გაიზარდა.

„ჯერჯერობით სიახლე არ არის. გარკვეულწილად გამოჯანმრთელების ხანგრძლივობა, რომელიც ადრე მოცემული იყო როგორც კრიტერიუმი - მსუბუქ შემთხვევაში 2 კვირა, გახანგრძლივდა სამ კვირამდე, ამიტომ ჩვენ არ ვჩქარობთ ამ პაციენტების ტესტირებას და ვცდილობთ, რომ გამოჯანმრთელების პერიოდს მიუახლოვდეს. სამი კვირის თავზე, ალბათ, ჩატარდება გამოჯანმრთელებისთვის საჭირო ტესტირება COVID-19-ზე და შემდეგ, განმეორებითი ტესტირება, ამიტომ ცოტა დავაგვიანეთ შემდგომი პაციენტების ტესტირება,“-განაცხადა მარინა ეზუგბაიამ.