„თანაინვესტირების ფონდის“ ერთ-ერთი დირექტორის კორონავირუსით დაინფიცირების გამო, ფონდის 10-მდე თანამშრომელი თვითიზოლაციაში იმყოფება

თანაინვესტირების ფონდის ერთ-ერთი დირექტორი, რომელსაც კორონავირუსი დაუდასტურდა, ვირუსის დადასტურებამდე თვითიზოლაციაში იმყოფებოდა. ამის შესახებ „ინტერპრესნიუსს“ თანაინვესტირების ფონდში განუცხადეს.

მათივე ინფორმაციით, კორონავირუსით დაინფიცირებულ ქალს 10-მდე თანამშრომელთან ჰქონდა კონტაქტი, რომლებიც ამჟამად თვითიზოლაციაში იმყოფებიან.

„დაახლოებით, 10-მე პირს ჰქონდა ამ ადამიანთან შემხებლობა. ყველა მათგანი თვითიზოლაციაშია. მათ ტესტირება ლუგარის ლაბორატორიის მიერ ჩაუტარდებათ მას შემდეგ, რაც სიმპტომები გამოუვლინდებათ. ჯერჯერობით არცერთ ადამიანს, ვისაც ინფიცირებულთან კონტაქტი ჰქონდა, არანაირი სიმპტომი არ გამოვლენიათ. ყველა მათგანი კარგად იმყოფება.

ლუგარის ლაბორატორიიდან დასტური, რომ აღნიშნულ პირს კორონავირუსი ჰქონდა, გუშინ დილით მოვიდა, თუმცა, მანამდე, 3-4 დღის განმავლობაში ეს ადამიანი თვითიზოლაციაში იმყოფებოდა, რადგან მან იცოდა, რომ შეხება ჰქონდა ისეთ ადამიანთან, ვისაც დაუდგინდა კორონავირუსი. როგორც კი ეს ინფორმაცია გაიგო, ნახევარ საათში გადავიდა თვითიზოლაციაში. ის პირი, ვისგანაც მას ვირუსი გადაედო, თანაინვესტირების ფონდის თანამშრომელი არ არის, ცალკე დამოუკიდებელი პირია, რომელსაც თავის მხრივ შეხება ჰქონდა უცხოელებთან“, - განაცხადეს თანაინვესტირების ფონდში.

ამასთან, ფონდში განმარტავენ, რომ „აქსის თაუერსის“ შენობაში განთავსებულ სხვა ოფისებში მომუშავე პირებს საფრთხე არ ემუქრებათ.

„ჩვენს ოფისს აქვს აბსოლუტურად იზოლირებული შესასვლელი, ცალკე კიბეები და კარი. დამოუკიდებელი შესასვლელებით ვსარგებლობთ და არ აქვს შეხება სხვა ოფისებთან. შესაბამისად, სხვა ოფისებს საფრთხე არ ემუქრებათ. როგორც კი ქალბატონს ვირუსი დაუდასტურდა, ჩვენს ოფისს დაუყოვნებლივ ჩაუტარდა სადეზინფექციო სამუშაოები და დახურულია. დაახლოებით, 2 კვირის განმავლობაში იქნება დაკეტილი. თანამშრომლების ნაწილი ან თვითიზოლაციაშია, ან სახლიდან, დისტანციურ რეჟიმში მუშაობს. რა ინფორმაციასაც გასცემს ჯანდაცვის სამინისტრო, როგორც იქნება ცნობები, ჩვენც ამის მიხედვით მოვიქცევით“, - განუცხადეს „ინტერპრესნიუსს“ თანაინვესტირების ფონდში.

იხილეთ ვიდეო: "თანაინვესტირების ფონდის" ერთ-ერთ დირექტორს კორონავირუსი დაუდგინდა

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)