კერძო სექტორის განვითარების საბჭოს წარმომადგენელი - საქართველოს წინსვლა რეიტინგში კერძო და საჯარო სექტორს შორის არსებულმა ეფექტურმა დიალოგმა განაპირობა

კერძო სექტორის განვითარების საბჭოს თავმჯდომარის მოადგილის ირმა ხვედელიანის განცხადებით, მნიშვნელოვანია საქართველოს აღიარება ისეთი ორგანიზაციის მხრიდან, როგორიცაა OECD, რომლის ერთ-ერთი პრიორიტეტიც მცირე და საშუალო ბიზნესის ხელშეწყობაა. ირმა ხვედელიანი გამოეხმაურა ეკონომიკური თანამშრომლობისა და განვითარების ორგანიზაციის (OECD) ანგარიშს „მცირე და საშუალო მეწარმეობის პოლიტიკის ინდექსი 2020“, რომლის თანახმადაც საქართველომ უპრეცედენტო წარმატებას მიაღწია. ეკონომიკის სამინისტროს ინფორმაციით, აღმოსავლეთ პარტნიორობის ქვეყნებს შორის საქართველო უპირობო ლიდერია და ანგარიშის 12-ვე კომპონენტში ლიდერობს.

„ანგარიშში საქართველოს წარმატება ნათელი მაგალითია იმისა, თუ როგორ ხდება ჩვენს ქვეყანაში მცირე და საშუალო საწარმოების განვითარების ხელშეწყობა. საქართველომ შეიმუშავა მცირე და საშუალო ბიზნესის განვითარების მეტად სტრატეგიული მიდგომა და განახორციელა ფოკუსირებული მიზნობრივი პროგრამები,“ - განაცხადა ირმა ხვედელიანმა.

მისი თქმით, მეწარმეობის სტიმულირების ისეთმა პროგრამებმა, როგორიცაა „აწარმოე საქართველოში“ და სხვ., განსაკუთრებით მცირე და საშუალო ბიზნესის განვითარებაზე განსაკუთრებული გავლენა მოახდინა.

„საქართველოს წინსვლა განპირობებულია საჯარო და კერძო სექტორს შორის ეფექტური დიალოგითა და თანამშრომლობით. ამ მიზანს ემსახურება ეკონომიკის სამინისტროსთან არსებული კერძო სექტორის განვითარების ხელშეწყობის საკონსულტაციო საბჭო და ქალთა მეწარმეობის განვითარების ქვესაბჭო. აღნიშნულ ფორმატში განიხილება მცირე და საშუალო მეწარმეობასთან დაკავშირებული არაერთი საკითხი, გადაიდგა არსებითი ნაბიჯები სხვადასხვა დარგის ბიზნესების წახალისების კუთხით,“ - განაცხადა ირმა ხვედელიანმა.

OECD-ის ანგარიშში 12 კომპონენტის გარდა, წელს პირველადა გაანალიზებული, თუმცა ქულების მინიჭების გარეშე, ქვეყნებში არსებული მდგომარეობა ისეთი მიმართულებებით, როგორიცაა: კონკურენცია; კონტრაქტების აღსრულება და დავების ალტერნატიული გადაწყვეტა და ბიზნესის კეთილსინდისიერება. „დარწმუნებული ვარ, მომდევნო ანგარიშში საქართველოს ამ კომპონენტებშიც გამორჩეულად წარმატებული იქნება,“ - განაცხადა ირმა ხვედელიანმა.

აღნიშნულ ინფორმაციას ეკონომიკისა და მდგრადი განვითარების სამინისტრო ავრცელებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა