გარემოს დაცვისა და სოფლის მეურნეობის მინისტრის, ლევან დავითაშვილის განცხადებით, პროდუქტზე ფასის ზრდის და დეფიციტის საფუძველი ქვეყანაში არ არსებობს.

როგორც დავითაშვილმა მთავრობის ადმინისტრაციაში გამართულ ბრიფინგზე განაცხადა, სასურსათო მარაგები ქვეყანაში გვაქვს და რამდენიმე პროდუქტზე შეფერხება საზოგადოების პანიკური ქცევით იყო გამოწვეული.

„სასურსათო მარაგები გვაქვს. რამდენიმე პროდუქტზე იყო შეფერხება, რაც პანიკური ქცევით იყო გამოწვეული. ასევე მეორე ფაქტორი უკავშირდებოდა გარემო ფაქტორებს, კლიმატს, იმის გამო, რომ ჩვენ ვერ ვახდენდით კონკრეტული პროდუქტების შემოტანას, რომელიც შეძენილია. იცით, რომ ამინდი სწორდება, გზის გამწმენდის სამუშაოები მიმინარეობს იმისთვის, რომ ტვირთი, რომელიც სახმელეთო გზით შემოდის საქართველოში, ლარსიდან შემოვიდეს. იმედი მაქვს, გამოსწორდება მდგომარეობა შავ ზღვაზეც და ის გემები, რომელიც დატვირთულია სურსათით და შემოსულია ქვეყანაში, ჩამოიცლება. ფასის ზრდის და დეფიციტის არანაირი საფუძველი ქვეყანაში არ არსებობს და ძალიან მნიშვნელოვანია მთავრობის რეკომენდაციები გაითვალისწინოს თითოეულმა მოქალაქემ“, - განაცხადა დავითაშვილმა.