გიგა ბოკერია - დარწმუნებული ვარ, რომ არჩევნები ჩატარდება და იმ  მომენტისთვის ეს ვითარება არ იქნება

დარწმუნებული ვარ, რომ არჩევნები ჩატარდება და იმ მომენტისთვის ეს ვითარება არ იქნება, - განაცხადა „ევროპული საქართველოს“ ერთ-ერთმა ლიდერმა გიგა ბოკერიამ.

მისივე თქმით, საქართველო და მთელი მსოფლიო ამ გამოწვევას გადალახავს.

ბოკერიას განმარტებით, ამ გამოწვევის გადალახვამდე მსოფლიოს მთავარი ამოცანაა, რაც შეიძლება ნაკლები ადამიანის სიცოცხლეს შეექმნას საფრთხე. მისივე თქმით, ეპიდემიის გადალახვის შემდეგ ეკონომიკაში უმძიმესი შედეგები დადგება, ამიტომ, ნაბიჯები ახლა უნდა გადაიდგას.

„რა თქმა უნდა, ეს ეპიდემია გადაივლის, საქართველო და მთელი მსოფლიო ამ გამოწვევას გადალახავს. მე დარწმუნებული ვარ, რომ არჩევნები ჩატარდება და იმ მომენტისთვის არ იქნება ეს ვითარება. მაგრამ ამ გამოწვევის გადალახვამდე, ჩვენი ქვეყნის და სხვა ქვეყნების ამოცანაც არის, ვიდრე ეს გადაივლის , მანამდე რაც შეიძლება ნაკლები ადამიანის სიცოცხლეს შეექმნას საფრთხე. დრო რომ გავა და ეს ეპიდემია გადაივლის, უმძიმესი შედეგები დადგება, ამიტომ ნაბიჯები ახლა არის გადასადგმელი ყველა ქვეყნის მთავრობის და ამ შემთხვევაში საქართველოს მიერ, რათა საგრძნობლად ნაკლები იყოს ის ზიანი, რასაც ჩვენ ვნახავთ შემდგომი თვეების განმავლობაში”, - განაცხადა გიგა ბოკერიამ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს