დაავადებათა კონტროლის ცენტრის წარმომადგენლის ინფორმაციით, პირბადეები, რომელიც „აჭარა ტექსტილში“ იკერება, უსაფრთხო და მრავალჯერადი გამოყენებისაა

დაავადებათა კონტროლის ეროვნული ცენტრის ბიოუსაფრთხოების სამმართველოს უფროსის გელა მგელაძის განცხადებით, პირბადეები, რომელიც კომპანია ,,აჭარა ტექსტილში“ იკერება უსაფრთხო და მრავალჯერადი გამოყენებისაა.

„ეს პირბადეები, რომლებიც დამზადებულია,დოლბანდის 12 შრისგან არის გაკეთებული, ანუ მისი ეფექტურობა ამ შრეების რაოდენობის მიხედვით არის განსაზღვრული. ამიტომაც იმ მოთხოვნებს, რომელიც არსებობს ნიღბების მიმართ, აბსოლუტურად აკმაყოფილებს . ამასთანავე, მისი გამოყენება რამდენიმეჯერ შეიძლება, კერძოდ, სარეცხი საშუალებით ცხელ წყალში გარეცხვა, შემდეგ ცხელი უთოთი დაუთოება. სამ საათში ერთხელ უნდა მოხდეს პირბადის გამოცვლა . თვითონ საწარმო აკმაყოფილებს სტანდარტებს, აქ ყველაფერია ორგანიზებული იმისთვის, რომ მიუხედავად იმისა, რომ ამდენი ხალხი მუშაობს, ინფექციის გავრცელების პრევენცია მოხდეს. დაყენებულია თერმოსკანერები, ყოველდღიურად ხდება პერსონალის შემოწმება, ასევე პერსონალი მუშაობს ნიღბებითა და ხელთათმნებით. აქ ინფექციის გადაცემის საფრთხე არ არის“, - განაცხადა გელა მგელაძემ.

ფოთში ეკონომიკისა და მდგრადი განვითარების მინისტრი ნათია თურნავა იმყოფებოდა. იგი კომპანია „აჭარა ტექსტილის“ საწარმოს ეწვია და პირბადეების წარმოების პროცესს ადგილზე გაეცნო. კომპანია „აჭარა ტექსტილი“პირბედეების პირველ პარტიას დღეს გამოუშვებს. 500 000 პირბადე სახელმწიფოს უსასყიდლოდ გადაეცემა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს