არჩილ თალაკვაძის განცხადებით, როდესაც იქნება საჭიროება, პარლამენტი მზად არის, რომ საგანგებო მდგომარეობის გამოცხადების გადაწყვეტილება მიიღოს

პარლამენტის თავმჯდომარის არჩილ თალაკვაძის განცხადებით, როდესაც იქნება საჭიროება და მთავრობის მოთხოვნა, პარლამენტი მზად არის, რომ საგანგებო მდგომარეობის გამოცხადების გადაწყვეტილება მიიღოს. ამის შესახებ არჩილ თალაკვაძემ უსაფრთხოების საბჭოს სხდომის დასრულების შემდეგ განაცხადა. მისი თქმით, მოცემული მომენტისთვის სახელმწიფო აკეთებს ყველაფერს, რათა საზოგადოება და თითოეული მოქალაქე მაქსიმალურად იყოს დაცული.

„განხილული იყო მთავრობას, პრეზიდენტსა და პარლამენტს შორის ამ სხდომაზე საგანგებო მდგომარეობის გამოცხადების მექანიზმები. ჩემი მხრივ შემიძლია გითხრათ, რომ პარლამენტის მხრიდან არსებობს სრული მზადყოფნა იმისათვის, რომ მიიღოს შესაბამისი გადაწყვეტილება, როგორც კი ამის საჭიროება იქნება. შესაბამისად, ამ მომენტისთვის სახელმწიფო აკეთებს ყველაფერს იმისათვის, რათა ჩვენი საზოგადოება და თითოეული მოქალაქე მაქსიმალურად იყოს დაცული. პანიკა, რა თქმა უნდა, არ არის საჭირო. პანიკა აზიანებს საერთო პროცესს, მაგრამ საჭიროა სიფრთხილე და საჭიროა ჩვენი მოქალაქეობრივი პასუხისმგებლობების ზედმიწევნით შესრულება. მხოლოდ ამ შემთხვევაში შევძლებთ, რომ გამოწვევას ვუპასუხოთ ეფექტურად და თავიდან ავიცილოთ ვირუსის იმ მასშტაბებით გავრცელება, რომელიც შესაძლოა, ჩვენს ეკონომიკას, ჩვენი მოქალაქეების ჯანმრთელობასა და ჩვენი ქვეყნის მომავალს აზიანებდეს. დღეს თითოეული მოქალაქის პასუხისმგებლობა არის მნიშვნელოვანი. ეს არის ახლა ამოცანა, რომ ექიმებთან, ექთნებთან, ეპიდემიოლოგებთან ერთად ჩვენ, როგორც მოქალაქეებმა შევასრულოთ ყველა რეკომენდაცია და ამით ხელი შევუწყოთ ვირუსის გავრცელების შეკავებას. პანიკის საფუძველი არ არსებობს. ხელისუფლება აკეთებს ყველაფერს და ჩვენ იმედი გვაქვს, რომ საზოგადოებაც პატივს სცემს ამ მოცემულობას, ექიმების შრომას და ჩვენ შევძლებთ ერთად ამ გამოწვევას ვუპასუხოთ ძალიან ეფექტურად“, - განაცხადა არჩილ თალაკვაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა