პრემიერმა 4 ყველაზე მნიშვნელოვანი მიმართულება დაასახელა და მასზე  პასუხისმგებლობა შესაბამის მინისტრებს დაავალა

პრემიერ-მინისტრმა გიორგი გახარიამ ოთხი ყველაზე მნიშვნელოვანი მიმართულება დაასახელა და ამ მიმართულებებზე პასუხისმგებლობა შესაბამის მინისტრებს დაავალა. ეს მიმართულებებია: ჯანდაცვა, სამოქალაქო წესრიგი, სასურსათო მარაგების მართვა, ლოგისტიკა და ტრანსპორტირება და ეკონომიკა.

„რა თქმა უნდა, პირველი მიმართულება გახლავთ ჯანდაცვა და მასზე პასუხისმგებელია ჯანდაცვის მინისტრი ეკატერინე ტიკარაძე. მეორე მიმართულებაა - სამოქალაქო წესრიგი, რომელზეც სრულად პასუხისმგებელია შინაგან საქმეთა მინისტრი და უსაფრთხოების საბჭოს მდივანი ვახტანგ გომელაური, მესამე მიმართულებაა - სასურსათო მარაგების მართვა, ლოგისტიკა და ტრანსპორტირება, ამ მიმართულებაზე პასუხისმგებელია - გარემოს დაცვისა და სოფლის მეურნეობის მინისტრი ლევან დავითაშვილი და მეოთხე მიმართულება, ყველაზე მნიშვნელოვანი, კრიზისის შემდგომ უნდა ვიყოთ მზად იმისთვის, რომ ჩვენი ეკონომიკა სწრაფად აღდგეს. ყველაფერს ვაკეთებთ იმისთვის, რომ ჩვენმა ეკონომიკამ მიიღოს მინიმალური ზიანი. ეკონომიკურ მიმართულებაზე პასუხისმგებელი გახლავთ ვიცე-პრემიერი მაია ცქიტიშვილი“,-განაცხადა გიორგი გახარიამ უსაფრთხოების საბჭოს დასრულების შემდგომ გამართულ ბრიფინგზე.

როგორც პრემიერმა აღნიშნა, დღეს სახელმწიფო ინსტიტუტები, კერძო სექტორი და სამოქალაქო საზოგადოება სრულად მზადაა იმისთვის, რომ ამ გამოწვევას ეფექტურად უპასუხოს.

„კიდევ ერთხელ ხაზგასმით მინდა გითხრათ, რომ დღეს სახელმწიფო ინსტიტუტები, ისევე როგორც კერძო სექტორი, სამოქალაქო საზოგადოება სრულად ვართ მზად იმისთვის, რომ შესაბამისად ეფექტურად ვუპასუხოთ ამ გამოწვევას. მერწმუნეთ, რომ ჩვენ მივაღწევთ შესაბამის შედეგს და ჩვენ ვიქნებით ერთ-ერთი ყველაზე ეფექტურები ამ ვირუსთან ბრძოლაში“,-აღნიშნა გახარიამ.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!