თელავის საკარანტინო სივრციდან, მამაკაცი, რომელსაც ხველა აღენიშნება თბილისში გადაიყვანეს. ინფორმაციას ადასტურებენ, დაავადებათა კონტროლის ცენტრში.
კახეთის განყოფილების ხელმძღვანელის, ნელი ხიზანიშვილის თქმით, მას ტემპერატურა არ აქვს, თუმცა ხველა აღენიშნება. პროტოკოლი კი მის შესაბამის კლინიკაში გადაყვანას ითვალისწინებს.
ის პოლონეთიდან რამდენიმე დღის წინ დაბრუნდა საქართველოში, რის შემდეგაც საკარანტინო სივრცეში იყო მოთავსებული.
თელავის მუნიციპალიტეტში სულ სამი საკარანტინო სივრცეა, სადაც 133 მოქალაქე იმყოფება.