დავით ბაქრაძე - საპენსიო შენატანში რვა თვის შეჩერებით, 130 მილიონი ლარი იზოგება და ის თანხაა, რომლითაც შეიძლება თითოეულ ოჯახზე გაიცეს 120-ლარიანი კომუნალური ვაუჩერი

„ევროპული საქართველოს“ ლიდერის, დავით ბაქრაძის განცხადებით, კორონავირუსისგან გამოწვეულ კრიზისთან საბრძოლველად, მთავრობამ ეკონომიკის სფეროში აქტიური ნაბიჯები უნდა გადადგას.

როგორც მან დღეს გამართულ ბრიფინგზე განაცხადა, „ევროპული საქართველოს“ მიერ შეთავაზებული გეგმა, 120 ლარიანი კომუნალური ვაუჩერების შესახებ, საყოველთაო უნდა იყოს და მისი გაცემა მხოლოდ სოციალურად დაუცველ მოსახლეობაზე არ უნდა მოხდეს.

„ამ სფეროში იყო რამდენიმე ინიციატივა, მაგრამ „ევროპული საქართველოს“ ინიციატივას აქვს ორი მნიშვნელოვანი და განმასხვავებელი ნიშანი. პირველი არის საყოველთაობა - ჩვენი ინიციატივის მიხედვით, ყველა ოჯახს საქართველოში გარდა იმ ოჯახებისა, რომელთა წლიური შემოსავალიც 40 000 ლარზე მეტია, უნდა გადაეცეს 120 - ლარიანი კომუნალური ვაუჩერი. ეს მნიშვნელოვანია იმიტომ, რომ ჩვენ უნდა დავეხმაროთ არამხოლოდ სოციალურად დაუცველებს, რომელიც ტრადიციული დახმარების ჯგუფია, არამედ იმ საშუალო კლასის ათასობით ოჯახს, რომელიც დღეს უხელფასო შვებულებაშია გაშვებული და არ იცის, ხვალ სამსახური და შემოსავალი ექნება თუ არა. ამიტომ, საყოველთაობა და ყველა ოჯახის დახმარება.

მეორე ნიშანი - არც ერთი ინიციატივა არ არის ღირებული, თუ არ არის მისი დაფინანსების წყარო. ჩვენ გვაქვს მკაფიო დაფინანსების წყარო, საპენსიო შენატანში რვა თვის შეჩერებით, იზოგება ბიუჯეტში 130 მილიონი ლარი. ეს არის ზუსტად ის თანხა, რომლითაც შეიძლება თითოეულ ოჯახში საქართველოში გაიცეს 120 ლარიანი კომუნალური ვაუჩერი“, - განაცხადა ბაქრაძემ.

ამასთან, პარტიის ერთ-ერთი წევრის, ზურაბ ჭიაბერაშვილის განცხადებით, აღნიშნული ინიციატივა შექმნილ ვითარებაში საუკეთესო გამოსავალია.

„აუცილებელია სოციალური დისტანცირება ვირუსის გავრცელების შესაჩერებლად, მაგრამ რა ვუყოთ ოჯახებს, რომლებმაც დაკარგეს შემოსავალი და რომლებსაც დანაზოგი არ აქვთ? საყოველთაო კომუნალური 120 ლარიანი ვაუჩერი არის საუკეთესო გამოსავალი, რომ ოჯახები გადავარჩინოთ ძალიან სერიოზული გაჭირვებისგან. ამით ძალიან ბევრი ოჯახის გადარჩენაა შესაძლებელი, რომელიც მძიმე კრიზისის დროს სახლში მარტო დარჩენილი ებრძვის ამ გაჭირვებას“, - აცხადებს ჭიაბერაშვილი.

ცნობისთვის, „ევროპული საქართველო“ მთვარობას სთავაზობს, 120-ლარიანი კომუნალური ვაუჩერი დაურიგოს ყველა ოჯახს გარდა იმ ოჯახებისა, სადაც ერთ წევრს მაინც აქვს 40,000 ლარზე მეტი შემოსავალი.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)