გაერო-ს მიერ გამოქვეყნებულ 2020 წლის მსოფლიო ბედნიერების ანგარიშში საქართველო 117-ე ადგილზე მოხვდა. მოხსენება წარმოადგენს გლობალური ბედნიერების მდგომარეობის კვლევას, რომელიც აფასებს რამდენად ბედნიერები არიან 156 ქვეყნის მოქალაქეები.
ანგარიში დღეს 20 მარტს, ბედნიერების საერთაშორისო დღეს გამოქვეყნდა. აღსანიშნავია, რომ რეიტინგში პირველ სამ ადგილს - ფინეთი, დანია და შვეიცარია იკავებენ, ბოლო სამ ადგილზე კი ზიმბაბვე, სამხრეთ სუდანი და ავღანეთი არიან.
რაც შეეხება მეზობელ ქვეყნებს, სომხეთი ერთი პოზიციით საქართველოს უსწრებს და 116-ე ადგილზეა, ხოლო აზერბაიჯანი -89-ე, თურქეთი -93-ე, ხოლო რუსეთი 73-ე ადგილებზე იმყოფება.