თბილისის მერიასა და წითელი ჯვრის საზოგადოებას შორის თანამშრომლობის მემორანდუმი გაფორმდა

თბილისის მერიასა და საქართველოს წითელი ჯვრის საზოგადოებას შორის ურთიერთთანამშრომლობის მემორანდუმი გაფორმდა. როგორც „ინტერპრესნიუსს“ თბილისის მერიიდან აცნობეს, მემორანდუმის მიზანი ქალაქ თბილისის მასშტაბით, კორონავირუსის (COVID-19) გავრცელების პრევენციისა და ვირუსით გამოწვეული შედეგების შემსუბუქების მიზნით, უწყებებს შორის მჭიდრო თანამშრომლობაა.

მათივე ცნობით, დოკუმენტს თბილისის მერის მოადგილემ, ილია ელოშვილმა და წითელი ჯვრის საზოგადოების პრეზიდენტმა, ნათია ლოლაძემ მოაწერეს ხელი.

„მემორანდუმის თანახმად, თბილისის მერიის ბაზაში რეგისტრირებული მოხალისეები საქართველოს წითელი ჯვრის საზოგადოების მიერ საერთაშორისო სტანდარტების შესაბამისად გადამზადდებიან. წითელი ჯვრის საზოგადოება მოხალისეებს ასევე, მერიის სხვადასხვა საქმიანობის დროს პირადი უსაფრთხოების დაცვის მიმართულებით გადაამზადებს.

თანამშრომლობის ფარგლებში, მხარეები თანხმდებიან, რომ უფასო სასადილოების ბენეფიციარებს, საბავშვო ბაღების აღსაზრდელებსა და ქრონიკული დაავადებების მქონე პირებს, ასევე, მარტო მცხოვრებ ხანდაზმულებსა და განსაკუთრებული საჭიროების მქონე პირებს მედიკამენტებით, საკვები და ჰიგიენური საშუალებებით უზრუნველყოფენ. საბაზისო ამანათების გადაცემა დატრენინგებული მოხალისეების მეშვეობით მოხდება, რომლებიც საქართველოს წითელი ჯვრის ლოგოთი იდენტიფიცირებული აღჭურვილობით იქნებიან შემოსილი. ასევე, მოხალისეები მარტოხელა ხანდაზმულებს იმ საბაზისო აქტივობებში ჩაენაცვლებიან, რომელიც სახლიდან გასვლას მოითხოვს.

„ტრენინგები შემუშავებულია ჯანდაცვის მსოფლიო ორგანიზაციის რეკომენდაციის საფუძველზე. ასევე, გათვალისწინებულია წითელი ჯვრის საზოგადოების გამოცდილება. პირველ ეტაპზე, ჩვენ დავიწყებთ მარტოხელა ხანდაზმულთა დახმარებას. მათ სასურსათო ამანათებს მივუტანთ, რომლის სტანდარტიც უკვე შედგენილია. ჩვენ ჩავერთვებით საბავშვო ბაგა-ბაღებში პროდუქტების გაცემის პროცესშიც. მოხალისეები ასევე, ჩაერთვებიან წითელი ჯვრის საზოგადოების მიერ საინფორმაციო მასალების შედგენისა და გავრცელების პროცესში“, - განაცხადა ნათია ლოლაძემ.

„მოხალისეობის მსურველ მოქალაქეებს შეუძლიათ, მერიის (2 72 22 22) ან წითელი ჯვრის (0800 000 018) ცხელ ხაზზე დარეგისტრირდნენ. ისინი სატრენინგო ჯგუფებში დაუყოვლებლივ გადანაწილდებიან. მემორანდუმი კორონავირუსით გამოწვეული შედეგების სრულად აღმოფხვრამდე იმოქმედებს“, - აღნიშნულია ინფორმაციაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა