ბიძინა კულუმბეგოვი - ქვეყნის მიერ განხორციელებული ღონისძიებების პირნათლად შესრულება გარანტიაა, რომ ამ გადაცემის ჯაჭვს გავწყვეტთ და მაქსიმუმ 2-3 თვეში ინფექცია  კალაპოტში ჩადგება

კარანტინისა და თვითიზოლაციის, ქვეყნის მიერ განხორციელებული ღონისძიებების პირნათლად შესრულება არის იმის გარანტია, რომ ჩვენ ამ გადაცემის ჯაჭვს ნამდვილად გავწყვეტთ და მსოფლიოს ექსპერტების ვარაუდით, დახლოებით, რამდენიმე კვირაში, მაქსიმუმ ორ-სამ თვეში, ალბათ, ეს ინფექცია ჩადგება კალაპოტში. ამის შესახებ ალერგოლოგ-იმუნოლოგმა ბიძინა კულუმბეგოვმა მთავრობის ადმინისტრაციაში პრემიერისა და სამედიცინო სექტორის წარმომადგენლების შეხვედრის დასრულების შემდეგ განაცხადა.

ის ასევე კორონავირუსთან დაკავშირებულ ტესტირების საკითხსაც შეეხო და აღნიშნა, რომ ქვეყანაში ტესტები ჩატარდება, რომელიც იქნება სწორი და გათვლილი კრიტერიუმების საფუძველზე.

„როგორც სახელმწიფოს უმაღლესი რანგის პირებმა ჩვენ გაგვაცნეს, ყველაფერი კეთდება ამისთვის, რომ რომ ერთი კვირის ფარგლებში მოხდეს ტესტებისადმი ხელმისაწვდომობის გაზრდა. მაგრამ სამედიცინო ნაწილი ჩაერევა იმ თვალსაზრისით, რომ იქნება ზუსტი კრიტერიუმები ვის და როგორ უნდა გაუკეთდეს ეს ტესტირება. ბევრი ადამიანი სხვა, სრულიად აუხსნელი ჩივილებით, იგივე თუნდაც ალერგიის ჩივილებით მეუბნება, რომ შესაძლებლობა რომ იყოს მზად არის გაიკეთოს კორონავირუსზე ტესტირება. ამის რესურსი დღეს ჩვენ ქვეყანას არ აქვს. შეიძლება ამას აკეთებს ძალიან მდიდარი ქვეყანა, მაგალითად, კორეა, რომელსაც აქვს უზარმაზარი რესურსი. ჩვენს ქვეყანაში ტესტები იქნება, მაგრამ ეს ტესტები იქნება ძალიან სწორი და გათვლილი კრიტერიუმებით, ექიმის დანიშნულებით მხოლოდ და არა ისე, რომ ადამიანმა ეს ინდივიდუალურად გაიკეთოს. ამიტომ ამის სწორი დარეგულირება, კარანტინისა და თვითიზოლაციის, ქვეყნის მიერ განხორციელებული ღონისძიებების პირნათლად შესრულება არის იმის გარანტია, რომ ჩვენ ამ გადაცემის ჯაჭვს ნამდვილად გავწყვეტთ და დაახლოებით, რამდენიმე კვირაში თუ არა და თვეში, მაქსიმუმს ვამბობთ ორ-სამ თვეს, ეს მსოფლიო ესპერტების მოსაზრებაა, რომ, ალბათ, ეს ინფექცია ჩადგება კალაპოტში და ჩვენ ამ რისკებს სრულიად ავცილდებით“, - განაცხადა ბიძინა კულუმბეგოვმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა