თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, მის კლინიკაში მყოფი ყველა პაციენტის მდგომარეობა მკვეთრად დადებითია.

როგორც რატიანმა ჟურნალისტებს განუცხადა, ასევე თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკიდან ლაბორატორიაში გაგზავნილი ტესტების პასუხები უარყოფითია.

„ყველა გაგზავნილი ტესტის პასუხი ლუგარის ლაბორატორიიდან დღესაც უარყოფითია, რაც მკვეთრად სასიხარულო ფაქტია. ასევე სასიხარულო ფაქტია ჩვენს კლინიკაში, რომ არსებული ინფიცირებული პაციენტების მდგომარეობა მკვეთრად დადებითია. ამ დილასთან შედარებით სუნთქვის უკმარისობის ხარისხი პაციენტებთან მკვეთრად შემცირებულია. ჩატარებული კლინიკო-ლაბორატორიული კვლევის თანახმად, დილით გითხარით, რომ ჩვენს კლინიკაში იმყოფებოდა 86 საეჭვო შემთხვევა. რადგან მოვიდა ყველა პასუხი უარყოფითი, აქედან 51 ადამიანი საგანგებო სიტუაციების მართვის სამსახურის მიერ გადაყვანილ იქნა საკარანტინე ზონაში“, - განაცხადა ლევან რატიანმა.