მაია ცქიტიშვილი - ამ ვითარებაში რა თქმა უნდა, ვმსჯელობთ განვითარების შესაძლო სცენარებზე და ბუნებრივია, შესაძლოა, გარკვეული დამატებითი შეზღუდვები იყოს შემოღებული

არც ერთი ის შემდგომი ზომა, რომელზეც ჩვენ ამ ეტაპზე ვმსჯელობთ, არ გულისხმობს იმ საყოველთაო კარანტინის პირობებს, რომელიც შესაძლოა, იყოს დაშვებული სხვადასხვა ქვეყნებში ,- ამის შესახებ ვიცე-პრემიერმა მაია ცქიტიშვილმა მთავრობის ადმინისტრაციაში გამართულ ბრიფინგზე განაცხადა.

როგორც მან აღნიშნა, შესაძლოა, საჭირო გახდეს დამატებითი შეზღუდვების შემოღება. მისი თქმით, ის თუ რა რეჟიმში გაგრძელდება ცხოვრება, თითოეულ მოქალაქეზეა დამოკიდებული.

„მთელი ამ პერიოდის განმავლობაში ნაბიჯ-ნაბიჯ ვიღებდით ზომებს. აქედან გამომდინარე, ჩვენთვის ძალიან მნიშვნელოვანი იყო ყველა ადამიანის მიმართ იმ რეკომენდაციების ზედმიწევნით შესრულება, რომელსაც მთავრობა გასცემდა. ამ ვითარებაში, ჩვენ რა თქმა უნდა, ვმსჯელობთ განვითარების შესაძლო სცენარებზე და ბუნებრივია, შესაძლოა, გარკვეული დამატებითი შეზღუდვები იყოს შემოღებული, თუმცა, აქვე მინდა აღვნიშნო, რომ არც ერთი ის შემდგომი ზომა, რომელზეც ჩვენ ამ ეტაპზე ვმსჯელობთ, არ გულისხმობს იმ საყოველთაო კარანტინის პირობებს, რომელიც შესაძლოა, იყოს დაშვებული, რომელსაც ახლა ვხედავდეთ სხვადასხვა ქვეყნებში. ჩვენ შემთხვევაში ჩვენ შეიძლება, დაგვჭირდეს გარკვეული დამატებითი შეზღუდვები ბიზნესის, სავაჭრო ობიექტების ფუნქციონირებისთვის, რომელიც ჩვენ უკვე ჩამოვთვალეთ, გარდა ამისა ჩვენ შეიძლება ეპიდემიის განვითარების პარალელურად ვიმსჯელოთ კიდევ დამატებითი ზომების მიღებაზე. აქვე მინდა აღვნიშნო, ყველა ჩვენი გადაწყვეტილება ეფუძნება იმ დინამიკას, რაც ჩვენ გვაქვს ვირუსის გავრცელების მიმართულებით, მაგრამ ძალიან მნიშვნელოვანია, რომ მთელი ჩვენი მოსახლეობა, ბიზნესი ძალიან მკაფიოდ მიყვებოდეს რეკომენდაციას, იმ შემთხვევაში თუ ჩვენ დავინახავთ, რომ ასეთი შედარებით რბილი ზომებით არ არის შესაძლებელი ამა თუ იმ ღონისძიების გატარება და თუ დავინახავთ, რომ აუცილებელია ეპიდემიოლოგიური თვალსაზრისით კიდევ უფრო მეტი გამკაცრების შემოღება, რა თქმა უნდა, მოგვიწევს მეტი შემზღუდავი ღონისძიებების გატარება.

ის რეჟიმი, რა რეჟიმშიც ვიცხოვრებთ არის დამოკიდებული თითოეულ ჩვენგანზე, ამიტომ კიდევ ერთხელ მინდა მოვუწოდო ადამიანებს, რომ შეასრულონ ყველა ეს რეკომენდაცია, დავრჩეთ სახლში, შევასრულოთ რჩევები ჩვენი ჯანდაცვის სპეციალისტების“, - განაცხადა მაია ცქიტიშვილმა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)