ნათია თურნავა ასახელებს მოსახლეობის იმ კატეგორიას, რომელთაც საწყის ეტაპზე პირბადეები უფასოდ გადაეცემათ

ეკონომიკის მინისტრის ნათია თურნავას განცხადებით, საწყის ეტაპზე მთავრობა პირბადეებს უფასოდ 70 წელს გადაცილებულ მოქალაქეებს დაურიგებს.

როგორც ეკონომიკის მინისტრმა მთავრობის ადმინისტრაციაში გამართულ ბრიფინგზე განაცხადა, გარდა 70 წელს გადაცილებული მოქალაქეებისა, პირველ ეტაპზე პრიორიტეტების ნუსხაში მოხვდნენ პოლიციელები, მებაჟეები, სასურსათო მაღაზიების მოლარეები და კონსულტანტები.

როგორც თურნავამ აღნიშნა, მათ პირბადეები უფასოდ დაურიგდებათ.

„ამ ბოლო დროს ძალიან ბევრი შეკითხვა შემოდის ამასთან დაკავშირებით ჩვენ უმოკლეს დროში მოვახერხეთ და წამოვიწყეთ ისეთი წარმოება, რომელიც ადრე არ გაგვაჩნდა. ვაკეთებთ ყველაფერს იმისთვის, რომ ეს მოთხოვნადი ნაწარმი, პირბადეები, მათი წარმოების ტემპი მაქსიმალურად გავზარდოთ. პირბადეებზე მოთხოვნა და ძალიან მწვავე დეფიციტი წარმოიქმნა მთელ მსოფლიოში. შესაბამისად, გარკვეული პრობლემები ახლავს თუნდაც აუცილებელი მასალების შემოტანას. ჩვენ ვმუშაობთ იმისთვის, რომ ძალიან მალე ეს პრობლემა აღმოვფხვრათ და პირბადეები იყოს ხელმისაწვდომი საზოგადოების ფართო ფენებისთვის. თუმცა, საწყის ეტაპზე გვიწევს პრიორიტიზაცია. საკოორდინაციო საბჭოს ფარგლებში დავსახეთ ის პრიორიტეტები, რომლის მიხედვითაც მოხდება ამ პირველი წარმოებული პარტიის გადანაწილება. პირველ რიგში მინდა ვთქვა, რომ ჩვენი პრიორიტეტი არის 70 წელს გადაცილებული მარტოხელა პენსიონერები ან 70 წელს გადაცილებული ჩვენი თანამოქალაქეები, ვისაც ქრონიკული დაავადებები გააჩნიათ. ჩვენ მათ უფასოდ დავურიგებთ პირბადეების პირველ პარტიას. გარდა ამისა, არის ისეთი კატეგორიები, ვისაც ყველაზე მეტად აქვს შეხება რისკის მატარებელ კატეგორიებთან მოსახლეობის. ეს არის: პოლიცია, მებაჟეები და სხვა კატეგორიის და პროფესიის ადამიანები, ვინც ასევე გვყავს პრიორიტეტში. რაც შეეხება კერძო სექტორს, აქ პრიორიტეტულ ნუსხაში გამოვყავით ჩვენი საამაყო ადამიანები, ვინც დღეს მუშაობენ სასურსათო მაღაზიებში, ქსელებში - კონსულტანტები, მოლარეები და მათზეც პირველივე შესაძლებლობისთანავე ჩვენ პირბადეებს დავარიგებთ. შემდეგ როდესაც ავაწყობთ მასობრივ წარმოებას, ეს გახდება უფრო მეტად ხელმისაწვდომი“, - განაცხადა ნათია თურნავამ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)