ლევან დავითაშვილი - უკვე შეგვიძლია ვთქვათ, რომ სურსათით დატვირთული მანქანები დაიძრა, შესაბამისად, მომარაგების კუთხით არ არის შეფერხება

საქართველოს სოფლის მეურნეობის მინისტრის ლევან დავითაშვილის განცხადებით, რამდენიმე პროდუქტთან დაკავშირებული დეფიციტი უამინდობას უკავშირდებოდა. მისი განმარტებით, შეფერხება იყო როგორც ფოთის პორტში, ასევე ლარსზე.

მისი განმარტებით, ამ დროისთვის შეფერხება აღმოფხვრილია და სურსათით მომარაგების კუთხით არანაირი შეფერხება აღარ ფიქსირდება.

„ძალიან მნიშვნელოვანი მიმართულება კრიტიკულ სიტუაციაში მართვის უკავშირდება ქვეყნის მოსახლეობის სურსათით უზრუნველყოფას, რომ არ შეიქმნას დეფიციტი ამა თუ იმ სურსათზე. ჩვენ აღვნიშნეთ, რომ რამდენიმე პროდუქტთან მიმართებით იყო გარკვეული წყვეტა მხოლოდ იმის გამო, რომ იყო შეკვეთილი, მაგრამ უამინდობის გამო ვერ შემოდიოდა. ორი მიმართულება, ჩვენი ძირითადი არტერია, რომელიც არის საზღვაო მომარაგება ფოთის მეშვეობით, უამინდობის გამო, იყო ჩაკეტილი, ვერ ხდებოდა გემების დაცლა, იგივე ხდებოდა ლარსზე, სადაც ზღვავსაშიშროების გამო ვერ ხდებოდა გაწმენდითი სამუშაოები.

არაორდინალური გადაწყვეტილებები იქნა მიღებული - ექსტრემალურ პირობებში მოხდა გზის ოპერატიულად გაწმენდა იმისთვის, რომ სურსათით მომარაგებას არ შექმნოდა საფრთხე ქვეყანაში. უკვე შეგვიძლია ვთქვათ, რომ მანქანები დაიძრა შესაბამისად, მომარაგების კუთხით არ არის წყვეტა, არ არის შეფერხება“ , - განაცხადა ლევან დავითაშვილმა.

მისივე თქმით, მთავრობა ახერხებს იმის რეგულირებასაც, რომ პანიკის გამო სურსათი არ გაძვირდეს.

„ძალიან მნიშვნელოვანია, რომ ჩვენ რეგულარულად, ფაქტიურად ყოველ დღე, დღეში რამდენიმე რგოლს ვხვდებით და ამ რგოლის ყველა წარმომადგენელ ოპერატორს, ეს უკავშირდება როგორც საცალო ქსელების წარმომადგენლებს, ეს არის საბითუმო მოვაჭრეები იმპორტიორები, თუ ადგილობრივი მწარმოებლები იმისთვის, რომ ერთი მხრივ, არ იყოს წყვეტა, ფიზიკურად არ იყოს სურსათის დეფიციტი და მეორე მხრივ, ფასები არ გაიქცეს, პანიკის გამო არ მოხდეს გაძვირება და არ დაფიქსირდეს სპეკულატიური ტრანზაქციები. ჩვენ ამის რეგულირებას და მართვას ვახერხებთ. დღეისათვის, 9 განსაკუთრებულ პროდუქტზე მთავრობამ მიიღო გადაწყვეტილება, რომ მოხდეს კომპენსაციის სქემის შემოღება, რომელიც ერთი მხრივ დაასტიმულირებს ფიზიკურად მარაგების შექმნას ამ პროდუტქების შემოტანის კუთხით იმიტომ, რომ სტრატეგიულად მნიშვნელოვანია ასეთ პერიოდებში არამალფუჭებადი მშრალი სურსათი და მეორე მხრივ, რა თქმა უნდა დავიცავთ ფასების ზრდისგან ჩვენს მოსახლეობას“,- განაცხადა ლევან დავითაშვილმა.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!