„ჯორჯიან ეარვეისმა“ თანამშრომლების 95%-ის უხელფასო შვებულებაში გაშვების შესახებ გადაწყვეტილება შეაჩერა

„ჯორჯიან ეარვეისის“ დირექტორის რომან ბოკერიას განცხადებით, ავიაკომპანიამ თანამშრომლების 95%-ის უხელფასო შვებულებაში გაშვების შესახებ გადაწყვეტილება შეაჩერა.

როგორც „ინტერპრესნიუსს" რომან ბოკერიამ განუცხადა, ამ ეტაპზე ავიაკომპანია ანაზღაურებად შვებულებაში უშვებს იმ თანამშრომლებს, ვისაც ეს ზაფხულის ან ზამთრის განმავლობაში ჰქონდათ დაგეგმილი.

„მაქსიმალურად შევეცდებით უხელფასო შვებულებაში თანამშრომლების გაშვებას თავი ავარიდოთ და ამას მხოლოდ უკიდურეს შემთხვევაში მივმართავთ. მენეჯმენტი პრაქტიკულად ხელფასის მიღების გარეშე ვმუშაობთ", - აცხადებს ბოკერია.

კითხვაზე, რატომ შეცვალა „ჯორჯიან ეარვეისმა" თანამშრომლების 95%-ის უხელფასო შვებულებაში გაშვების გადაწყვეტილება, რაც დღეს გააჟღერა, კომპანიის დირექტორი განმარტავს, რომ თანამშრომლების ხელფასის გადახდა მთავრობის მიერ დაფინანსებული ჩარტერული რეისებიდან მიღებული თანხებით მოხდება.

„მთავრობა ფინანსურად ხელფასებთან დაკავშირებით არ ჩაერევა, მაგრამ ჩარტერებიდან მიღებულ თანხებს გამოვიყენებთ ხელფასის დასაფარად“, - აცხადებს ბოკერია.

მისივე თქმით, საგარეო საქმეთა სამინისტროსთან ზუსტდება ჩარტერების მიმართულება და თარიღები. ამასთან, უწყებამ უნდა მოახდინოს ქვეყანაში დაბრუნების მსურველთა ორგანიზება.

ამასთან, ბოკერიას თქმით, რეისებს მთავრობა დააფინანსებს და ბილეთები უფასო იქნება.

„საუბარი მიდის ვენაზე, ამსტერდამზე, პარიზზე, ბერლინზე, რომსა და ბარსელონაზე. უბრალოდ თარიღები უნდა გვითხრან. ჩარტერული რეისები მთავრობამ უნდა დააფინანსოს, შესაბამისად არ ვყიდით რეისებს. მზად ვართ ჩარტერული რეისები შევასრულოთ",- აცხადებს „ჯორჯიან ეარვეისის" დირექტორი.

ცნობისთვის, მთავრობის გადაწყვეტილებით, ხვალიდან სრულად წყდება საჰაერო მიმოსვლა და მხოლოდ ჩარტერული რეისები შესრულდება საქართველოს მოქალაქეების სხვადასხვა ქვეყნებიდან დასაბრუნებლად.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს