დიდ ბრიტანეთში თავშეყრის ადგილებში შეკრება აიკრძალა. ამის შესახებ ქვეყნის პრემიერ-მინისტრმა ბორის ჯონსონმა მიმართვის დროს განაცხადა.
მისი თქმით, ხვალიდან ქვეყანაში ყველა რესტორანი, კაფე, ბარი, სპორტული დარბაზი და სხვა დაწესებულება დაიხურება. ამასთანავე, ბრიტანეთის პრემიერ-მინისტრის განცხადებით, იმ ადამიანებს, რომლებსაც ხვალიდან მუშაობის უფლება აღარ ექნებათ, სახელმწიფო ხელფასის 80%-ს აუნაზღაურებს.