მარინა ეზუგბაიას ინფორმაციით, სამი ახალი ინფიცირებულიდან, ერთ-ერთი ესპანეთში იმყოფებოდა, ორის შესახებ ინფორმაცია კი დღის მეორე ნახევარში გახდება ცნობილი

ინფექციური საავადმყოფოს სამედიცინო დირექტორის მარინა ეზუგბაიას ინფორმაციით,ერთ-ერთი ადამიანი, რომელსაც კორონავირუსი დღეს დაუდასტურდა, ესპანეთში იმყოფებოდა. რაც შეეხება დანარჩენ ორ შემთხვევას, ეზუგბაიას თქმით, მათი დაინფიცირების ისტორიის შესახებ ინფორმაცია დღის მეორე ნახევარში გახდება ცნობილი. მისივე თქმით, ამ ეტაპზე სამივე ინფიცირებულის ჯანმრთელობის მდგომარეობა სტაბილურია და შეიძლება შეფასდეს, როგორც მსუბუქი ან საშუალო სიმძიმის.

ეზუგბაიას ცნობით, სამივე ინფიცირებული ახალგაზრდა ასაკისაა. „ჩვენს ცენტრში მყოფი ერთი პაციენტის შემთხვევა არის ესპანეთიდან, ეს პირი იყო თვითიზოლაციაში, მისი კონტაქტები ცნობილია და როგორც ყოველთვის, ამ კონტაქტების კვლევა გრძელდება. დანარჩენი ორი შემთხვევის შესახებ არაფერი არ ვიცი ჯერჯერობით. გუშინ გვიან ღამით დასრულდა ტესტირება დაავადებათა კონტროლის ცენტრში. ამიტომ ჯერჯერობით ამ მონაცემებს არ ვფლობ. ახალი პირების ჯანმთელობის მდგომარეობა არ არის მძიმე. ამ ეტაპზე მათი მდგომარეობა, ალბათ, მსუბუქი ან საშუალო სიმძიმის არის,“ - განაცხადა ეზუგბაიამ.

იხილეთ ვიდეო: სამი ახალი ინფიცირებულიდან, ერთ-ერთი ესპანეთში იმყოფებოდა

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა