პრეზიდენტის განცხადებით, ამ ბრძოლის ახალ ეტაპზე, საგანგებო რეჟიმის წარმატებისთვის მოქალაქეების პასუხისმგებლობა და თვითშეგნება აუცილებელია. როგორც სალომე ზურაბიშვილმა საგანგებო ბრიფინგზე აღნიშნა, მოქალაქეების პასუხისმგებლობა და თვითშეგნება განაპირობებს იმას, რომ შემდეგ ეტაპზე ამ რეჟიმის გამკაცრება არ დაგვჭირდეს.

„ამ ბრძოლის ახალ ეტაპზე მოქალაქეების პასუხისმგებლობა და თვითშეგნება აუცილებელია საგანგებო რეჟიმის წარმატებისთვის და განაპირობებს იმას, რომ შემდეგ ეტაპზე არ დაგვჭირდეს ამ რეჟიმის გამკაცრება. ყველა მოქალაქეს ვთხოვ მაღალი პასუხისმგებლობის გამოჩენას, მაქსიმალურ სიფრთხილეს და სოციალური დისტანცირების ნორმების შენარჩუნებას. მჯერა, რომ გავიმარჯვებთ ერთიანობით და თვითშეგნებით“,-განაცხადა სალომე ზურაბიშვილმა.