საგანგებო მდგომარეობის გამოცხადების გამო, პარლამენტი მუშაობის საგანგებო რეჟიმზე გადადის. პარლამენტის ბიუროს გადაწყვეტილებით, საგანგებო რეჟიმის მოქმედების პერიოდში, პლენარული სხდომები საგანგებო სესიის ფარგლებში გაიმართება. პლენარული სხდომების გამართვის საჭიროებას პარლამენტის თავმჯდომარე გადაწყვეტს.

„საქართველოს კონსტიტუციის 44-ე მუხლის მე-3 პუნქტისა და საქართველოს პარლამენტის რეგლამენტის 83-ე მუხლის პირველი პუნქტის შესაბამისად, სქართველოს პარლმენტის ბიურო ადგენს: საქართველოს მთელ ტერიტორიაზე საგანგებო მდგომარეობის გამოცხადების შესახებ 2020 წლის 21 მარტის N1 ბრძანებით, საგანგებო მდგომარეობის გაუქმებამდე, საქართველოს პარლამენტის საგანგებო სესიის პლენარული სხდომები გაიმართოს საჭიროებისამებრ, საქართველოს პარლამენტის თავმჯდომრის გადაწყვეტილებით,“ - აღნიშნულია ბიუროს მიერ დამტკიცებულ დადგენილების პროექტში.