რომან გოცირიძე - გახარიას და თალაკვაძის პოზიციებს შორის განსხვავება იგრძნობა - უკვე იწყება საგანგებო მდგომარეობაში სხვადასხვა ჯგუფების მიმართ შერჩევითი მიდგომა

უკვე იგრძნობა განსხვავება პრემიერ-მინისტრის პოზიციასა და პარლამენტის თავმჯდომარის პოზიციას შორის. უკვე იწყება საგანგებო მდგომარეობაში შერჩევითი მიდგომა სხვადასხვა ჯგუფების მიმართ, - ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძემ საგანგებო პლენარული სხდომის დასრულების შემდეგ განაცხადა.

მისი თქმით, ხელისუფლების მიერ საზოგადოების სხვადასხვა ჯგუფების მიმართ შერჩევითმა მიდგომამ შესაძლოა, პროცესების უმართაობა და დაუმორჩილებლობა გამოიწვიოს.„ეს სახიფათო და საგანგაშოა. ჯერ საგანგებო მდგომარეობა ძალაში არაა მთელი სისრულით შესული და უკვე იგრძნობა განსხვავება პრემიერ-მინისტრის პოზიციასა და პარლამენტის თავმჯდომარის პოზიციას შორის. აბსოლუტურად არასწორი განმარტებები ხდება. თურმე შეკრება სხვა არის და პრემიერ-მინისტრის მიერ ნათქვამი 10 ადამიანის თავშეყრა თურმე აბსოლუტურად სხვა რამეს ნიშნავს. ანუ უკვე იწყება საგანგებო მდგომარეობაში შერჩევითი მიდგომა სხვადასხვა ჯგუფების მიმართ. ასეთ ვითარებაში შესაძლებელია გაჩდეს დიდი რისკი, მათ შორის ადამიანების მხრიდან დაუმორჩილებლობისა. როდესაც ხალხი ხედავს, რომ საზოგადოების ერთ ჯგუფს უწესდება მკაცრი აკრძალვები, ხოლო მეორე ჯგუფს - არა, ამ შემთხვევაში უსამართლობის განცდა დაბადებს უმართავ წინააღმდეგობას. ამიტომ საგანგებო მდგომარეობის წარმატებით შესრულებაზე პასუხისმგებლობა ეკირება ხელისუფლებაში მყოფ პარტია „ქართულ ოცნებას“, მთავრობას, პრეზიდენტს და საპარლამენტო უმრავლესობას,“ - განაცხადა გოცირიძემ.

შეგახსენებთ, რომ პრემიერ-მინისტრ გიორგი გახარიას განცხადებით, ქვეყანაში საგანგებო მდგომარეობის პერიოდში დახურულ ტერიტორიებზე, მათ შორის მაღაზიებსა და ეკლესიებში იკრძალება 10-ზე მეტი ადამიანის ყოფნა. პარლამენტის თავმჯდომარის განცხადებით კი, პრეზიენტის გამოცემულ დეკრეტით, რწმენის და აღმსარებლობის თავისუფლება არ არის შეზღუდული და შესბამისად, შეზღუდვა არ ვრცელდება რელიგიურ რიტუალში მონაწილეობაზე.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია