ნათია თურნავა - მოხდება ისეთი დარგების სწრაფი განვითარება, რომელიც იმპორტს ჩაანაცვლებს

ეკონომიკის მინისტრი ნათია თურნავა აცხადებს, ქვეყანაში იმპორტჩამნაცვლებელი დარგების სწრაფი განვითარება მოხდება.

"კიდევ ერთი მნიშვნელოვანი სიახლე არის ისეთი დარგების სწრაფი განვითარება, რომელიც ჩვენს ეკონომიკურ დამოუკიდებლობას განამტკიცებს - საუბარია იმპორტის ჩამნაცვლებელ დარგებზე. ასეთი ტიპის საქმიანობას ჩვენ ადრეც ვახორციელებდით, მაგრამ ახლა კიდევ უფრო რელიეფურად დავინახეთ ამის აუცილებლობა“ ,- ამის შესახებ ნათია თურნავამ დასმული კითხვის საპასუხოდ განაცხადა, რომელიც ქვეყანაში კორონავირუსთან დაკავშირებული პროცესების დასრულების შემდეგ ეკონომიკის სწრაფი გაჯანსაღების გეგმას ეხებოდა.

როგორც ნათია თურნავამ აღნიშნა, მთავრობა კიდევ უფრო მეტ აქცენტს გააკეთებს სოფლის მეურნეობის განვითარებაზე, სოფლის მეურნეობის პროდუქტების გადამუშავებისა და კვების პროდუქტების წარმოებაზე, ასევე პირველადი მოთხოვნილების პროდუქტების წარმოებაზე.

„ჩვენ აქცენტს გავაკეთებთ ასევე საექსპორტო დარგებზე, რომლებიც მომავალში დაგვეხმარება, დავუბრუნდეთ იმ აღმავალ ტენდენციას, რომელიც ამ კრიზისში შესვლამდე გვქონდა“, - განაცხადა ეკონომიკის მინისტრმა.

აღნიშნულ ინფორმაციას ეკონომიკისა და მდგრადი განვითარების სამინისტრო ავრცელებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა