ტაძარში წირვა მხოლოდ სასულიერო პირების მონაწილეობით ჩატარდება,- ამის შესახებ ბათუმისა და ლაზეთის ეპარქიის პრესსპიკერმა დეკანოზ იოანე გორელიშვილმა ბათუმის ღვთისმშობლის შობის სახელობის საკათედრო ტაძარში წირვის დასრულებისას განაცხადა.
როგორც მან აღნიშნა, დისტანციის დაცვის მიზნით, მრევლს საშუალება ექნება ტაძრის ეზოში ლოცვა მოისმინოს.
"ეკლესია ითვალისწინებს საგანგებო მდგომარეობას, რომელიც გამოცხადებულია ქვეყანაში. მრევლს აქვს გაფრთხილება ჩაიცვას თბილად, რადგან ტაძარში მხოლოდ სასულიერო პირები იქნებიან და წირვას აღავლენენ სასულიერო პირები, გარეთ არის დამონტაჟებული გახმოვანება და დისტანციის დაცვით საშუალება იქნებათ ეზოში, მოისმინონ ღვთისმსახურება. წირვის დასრულების შემდეგ ჩვენ გარეთ გამოვალთ და გაზიარებთ", -განაცხადა დეკანოზმა იოანე გორელიშვილმა.