თურქეთის პრეზიდენტი რეჯეფ თაიფ ერდოღანი ქვეყნის მოსახლეობას კორონავირუსის გავრცელების თავიდან ასაცილებლად „შინ დარჩენისკენ“ მოუწოდებს.
„იმედი მაქვს, ამ რთულ პერიოდს ერთად დავძლევთ. დაიცავით წესები და მითითებები და დარჩით სახლებში,“- წერს ერდოღანი სოციალურ ქსელ „ტვიტერში.“
მისი განმარტებით, 65 წელს გადაცილებული პირები და ყველა, ვისაც ქრონიკული დაავადება აქვს, შინიდან არ უნდა გავიდეს.
პრეზიდენტმა ასევე აღნიშნა, რომ ქვეყანაში ყველა სახის პროდუქტის მარაგი არსებობს.
”ჩვენ გვაქვს ყველა სახის პროდუქტი. არაფერია ამოწურული ან მარაგის გარეშე, ”- დასძინა მან.
ბოლო მონაცემებით, თურქეთში კორონავირუსის 947 შემთხვევაა დადასტურებული, დაღუპულთა რაოდენობა კი 21-ია.