რესპუბლიკური საავადმყოფოს ხელმძღვანელის ლევან გოფოძის განცხადებით, ახალ კორონავირუსზე, კლინიკაში მყოფი 5 პაციენტის ანალიზის პასუხები მიიღეს, რომლებიც უარყოფითია.
გოფოძის თქმით, დღეს კიდევ 10 პაციენტს ჩაუტარდება ტესტირება და მათი ანალიზის პასუხები საღამოს გახდება ცნობილი.
„ამჟამად ჩვენთან კლინიკაში, დაკვირვების ქვეშ იმყოფება 36 პაციენტი. მათი მდგომარეობა დამაკმაყოფილებელია. გუშინ 5 პაციენტს ჩაუტარდა ტესტირება და ყველას ნეგატიური პასუხი მივიღეთ. დღეს კიდევ 10 პაციენტს ჩაუტარდება ტესტირება. ზოგიერთი მათგანი შემოსულია გუშინ ღამე და ამ დილითაც მივიღეთ რამდენიმე პაციენტი. ყველა მათგანს აქვს ტესტირების ჩატარების ჩვენება და გავუკეთებთ ტესტებს და პასუხები გვეცოდინება საღამოს“, - განაცხადა ლევან გოფოძემ.