კორონავირუსით დაავადებულთა რაოდენობამ ირანში 21.6 ათასს მიაღწია, რომელთაგან 1685 ადამიანი გარდაიცვალა. ამის შესახებ დღეს ჯანდაცვის მინისტრის მრჩეველმა ალი რეზა ვაჰაბზადემ განაცხადა.

„გასული დღე-ღამის განმავლობაში ქვეყანაში 1028 ახალი შემთხვევა გამოვლინდა. დღეისთვის 21 638 შემთხვევაა მთლიანად ქვეყნის მასშტაბით. ბოლო 24 საათში 129 ადამიანი გარდაიცვალა“ , - წერს ვაჰაბზადე „ტვიტერის“ გვერდზე.

მისი ინფორმაციით, გამოჯანმრთელებულია 7913 ადამიანი.