ირაკლი კობახიძე - ჩვენთვის მნიშვნელოვანია, რომ ის ვალდებულება, რომელიც საარჩევნო რეფორმის მიმართ ავიღეთ, შევასრულოთ

პარლამენტის წევრმა, საპარლამენტო უმრავლესობის წარმომადგენელმა, ირაკლი კობახიძემ საგანგებო მდგომარეობის პერიოდში პარლამენტის მუშაობის სპეციფიკაზე და საარჩევნო რეფორმასთან დაკავშირებით, საკონსტიტუციო ცვლილებების მიღების საკითხებზე ისაუბრა.

კობახიძის თქმით, მისი სურვილია, რომ საგანგებო მდგომარეობის პერიოდში პარლამენტში მაქსიმალურად კონსტრუქციული გარემო იყოს.

„ამისთვის უმრავლესობის მხრიდან ყველაფერი გაკეთდება, დანარჩენი დამოკიდებულია ჩვენს ოპონენტებზე. შევხედოთ როგორ განვითარდება პროცესები. სამართლებრივ მხარეს რაც შეეხება, საგანგებო სესიის რეჟიმში პარლამენტი, რაც ნიშნავს იმას, რომ სტანდარტული გრაფიკით აღარ ვმუშაობთ, არამედ საჭიროებისამებრ შევიკრიბებით, ანუ როდესაც პარლამენტის თავმჯდომარე და ბიურო მიიღებენ გადაწყვეტილებას.

ჩვენთვის ასევე მნიშვნელოვანია, რომ ის ვალდებულება, რომელიც საარჩევნო რეფორმის მიმართ ავიღეთ, შევასრულოთ. ჩვენ შევთანხმდით კონკრეტულ საარჩევნო მოდელზე, რომლის საფუძველზეც უნდა ჩატარდეს ოქტომბრის საპარლამენტო არჩევნები და ბუნებრივია, ჩვენი მხრიდან ყველაფერი გაკეთდება იმისთვის, რომ ეს ვალდებულება და შეთანხმება შესრულდეს. ჩვენ დავითვალეთ მაქსიმალურად მჭიდრო ვადები თუ რა დროში იქნება შესაძლებელი საკონსტიტუციო ცვლილებების განხორციელება. ეს ვადები გავიარეთ ოპოზიციის წარმომადგენლებთან და ამის შემდეგ შევჯერდით ყველა ერთად, რომ გამოცხადდებოდა საგანგებო მდგომარეობა, რომელმაც წესით ვერ უნდა შეუშალოს ხელი საკონსტიტუციო ცვლილებების დამტკიცებას. იმედს გამოვთქვამ, რომ ვირუსთან დაკავშირებული პრობლემა მალე გადაიჭრება, რაც საშუალებას მოგვცემს მაქსიმალურად მჭიდრო ვადებში დავამკტიცოთ ცვლილებები და ამის შემდგომ გადავალთ უკვე საარჩევნო კამპანიაზე. აქაც ბუნებრივია, ყველაფერი ჩვენზე არ არის დამოკიდებული და ამაზე გავლენას ზოგადი ტენდენციები ახდენს. თუმცა არის ოპტიმიზმის საფუძველი და იმედი მაქვს, რომ უკვე ზაფხულის ბოლომდე დასრულდება საგანგებო მდგომარეობა, დამტკიცდება საკონსტიტუციო ცვლილებები და დაახლოებით ივლისიდან დაიწყება აქტიური წინასაარჩევნო კამპანია“, - აღნიშნა ირაკლი კობახიძემ ტელეკომპანია „პოსტივის“ ეთერში, რომლის კომენტარსაც საქართველოს პარალმენტის პრესსამსახური ავრცელებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა