დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, შესაძლოა, კორონავირუსი, გახდეს გრიპის ვირუსის მსგავსი, რომელიც პერიოდულად შეგვახსენებს თავს.
როგორც ამირან გამყრელიძემ „პალიტრანიუსის“ გადაცემაში „პოლიტ-ქალაქი“ აღნიშნა, სწორედ ამ საფრთხის გამო არის აუცილებელი კორონავირუსზე ვაქცინის შექმნა.
„არსებობს შეხედულება, რომ ვირუსის ვირულენტობამ, შეიძლება, დაიწიოს, მაგრამ ის გახდეს ეგრეთწოდებული გრიპის ვირუსივით, რომელიც პერიოდულობით შეგვახსენებს თავს. ამიტომაც არის ძალიან მნიშვნელოვანი ამ კორონავირუსზე ვაქცინის შექმნა“, - განაცხადა ამირან გამყრელიძემ.