საქართველოს მთავრობის ადმინისტრაციაში საკონსულტაციო საბჭოს წევრების შეხვედრა მიმდინარეობს. მთავრობის პრესსამსახურის ინფორმაციით, საბჭო კორონავირუსთან დაკავშირებით ქვეყანაში შექმნილ სიტუაციაზე მსჯელობს.

ცნობისთვის, ქვეყანაში შექმნილ ვითარებასთან დაკავშირებით, დღეს პრემიერ-მინისტრმა შეხვედრა გამართა ძალოვანი უწყებების წარმომადგენლებთან, ასევე მთავრობის მიერ გაცემული რეკომენდაციებისა და დაწესებული შეზღუდვების აღსრულების მექანიზმები განიხილეს უწყებათაშორისი საკოორდინაციო საბჭოს ეკონომიკის თემატური ჯგუფის შეხვედრაზე, რომელიც პრემიერ-მინისტრის ხელმძღვანელობით გაიმართა.