მარნეულსა და ბოლნისის მუნიციპალიტეტებში, ახალი კორონავირუსის გამო გამოცხადებული საკარანტინო რეჟიმის ფარგლებში ყველა ადგილობრივი მედია ჩვეულებრივ რეჟიმში გააგრძელებს ფუნქციონირებას.
„რაც შეეხება მედიას და პრესას, რა თქმა უნდა, ყველა ადგილობრივი მედია და პრესა ჩვეულებრივ რეჟიმში გააგრძელებს ფუნქციონირებას. სხვა, ყველა მედიასაშუალებები, რომლებიც ხაზგასმით ვამბობ- ადგილობრივი. სხვა ყველა მედიასაშუალებები ინფორმაციას და მედიარესურსს მიღებენ საზოგადოებრივი მაუწყებლის საშუალებით და საზოგადოებრივ მაუწყებელს ექნება რამდენიმე სპეციალურად აღჭურვილი ჯგუფი, რომელიც იფუნქციონირებს და იმოძრავებს ამ მუნიციპალიტეტების ფარგლებში. პრემიერის აპარატის და მთავრობის სახელით ამ მიმართულებას დღეს, სოზარ სუბარი კურირებს, რომელიც ასევე შეასრულებს კოორდინაციის ფუნქციასაც“, - განაცხადა გიორგი გახარიამ მთავრობის ადმინისტრაციაში გამართულ ბრიფინგზე.