პრემიერ-მინისტრი გიორგი გახარია ახალი კორონავირუსის გამო ბაკურიანის საკარანტინო ზონად გამოცხადების შესახებ ინფორმაციას არ ადასტურებს. აღნიშნულის შესახებ პრემიერმა მთავრობის ადმინისტრაციაში გამართულ ბრიფინგზე განაცხადა, როდესაც უპასუხა ჟურნალისტის კითხვას, ადასტურებს თუ არა გავრცელებულ ინფორმაციას იმის შესახებ, რომ ბაკურიანის საკარანტინო ზონად გამოცხადება იგეგმება.

„არა, არ ვადასტურებ. საკარანტინო ზონა ნიშნავს სპეციალურ ღონისძიებებს იმისათვის, რომ დაცული იყოს კონკრეტული ტერიტორია ფიზიკურად შესვლის და გამოსვლისთვის. ასეთი არანაირი აცილებლობა ბაკურიანთან დაკავშირებით არ არსებობს “,- განაცხადა გახარიამ.