გიორგი გახარია - ვიღაცები სპეკულირებენ იმისთვის, რომ ან უფრო მეტი ფული იშოვონ, ან უფრო მეტი პოლიტიკური დივიდენდი მოიპოვონ

არავის არ დაავიწყდეს, რომ საგანგებო მდგომარეობაა. თუ კომპანიები საგანგებო მდგომარეობის შესაბამისად, არ შეასრულებენ ვალდებულებებს, მათ ხელმძღვანელებს ჯერ დაეკისრებათ ჯარიმა, შემდეგ - სისხლის სამართლებრივი პასუხისმგებლობა, - ამის შესახებ პრემიერ-მინისტრმა გიორგი გახარიამ საკოორდინაციო საბჭოს სხდომის შემდეგ გამართულ ბრიფინგზე განაცხადა. მისი თქმით, იმის ნაცვლად, რომ ყველა ერთად დაეხმაროს ჯანდაცვის სისტემას, ვიღაცები ცდილობენ „ან უფრო მეტი ფული იშოვონ, ან უფრო მეტი პოლიტიკური დივიდენდი მოიპოვონ“.

„არავის არ დაავიწყდეს, რომ საგანგებო მდგომარეობაა. თუ კომპანიები საგანგებო მდგომარეობის შესაბამისად, არ შეასრულებენ ვალდებულებებს, რომელსაც მათ სახელმწიფო ჩვენი მოქალაქეების ინტერესებიდან გამომდინარე დააკისრებს, ამ კომპანიების ხელმძღვანელებს ჯერ დაეკისრებათ ჯარიმა, შემდეგ - სისხლის სამართლებრივი პასუხისმგებლობა. კომპანიები იქნებიან ექსპროპრირებული სახელმწიფოს ინტერესებში დროებით, რათა სახელმწიფომ დაიცვას თავისი ინტერესები.

ქვეყანაში დღეს საკარანტინო ოთახების დეფიციტი არ არსებობს და რომ იცოდეთ, საკარანტინო ოთახებში სახელმწიფო საკმაოდ კარგ ფინანსურ გადასახადს იხდის. ძალიან კარგად გვესმის ბიზნესის ინტერესებიც და ჩვენი მოქალაქეების ინტერესებიც. იმის მაგივრად, რომ ყველანი ერთად - სახელმწიფო, ხელისუფლება, ეკლესია, სამოქალაქო საზოგადოება და ჩვენი მოქალაქეები - ვზრუნავდეთ იმაზე, რომ მაქსიმალურად მივეხმაროთ ჯანდაცვის სისტემას, რომ ამ ეპიდემიის გავრცელების მასშტაბი და ტემპი შევამციროთ, ვიღაცები სპეკულირებენ იმისთვის, რომ ან უფრო მეტი ფული იშოვონ, ან უფრო მეტი პოლიტიკური დივიდენდი მოიპოვონ“, - განაცხადა გახარიამ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა